షాపింగ్ మాల్‌లో మూవీ ప్ర‌మోష‌న్స్ : ఇద్ద‌రు హీరోయిన్ల‌కు లైంగిక వేధింపులు

త్వ‌ర‌లో విడుద‌ల కానున్న త‌మ సినిమా ప్ర‌మోష‌న్ల‌లో పాల్గొనేందుకు కాలిక‌ట్‌లోని ఓ మాల్‌ను సంద‌ర్శించిన ఇద్ద‌రు మ‌ళ‌యాళం న‌టీమణులు ఇబ్బందిక‌ర ప‌రిస్థితి ఎదుర్కొన్నారు.

తిరువ‌నంత‌పురం : త్వ‌ర‌లో విడుద‌ల కానున్న త‌మ సినిమా ప్ర‌మోష‌న్ల‌లో పాల్గొనేందుకు కాలిక‌ట్‌లోని ఓ మాల్‌ను సంద‌ర్శించిన ఇద్ద‌రు మ‌ళ‌యాళం న‌టీమణులు ఇబ్బందిక‌ర ప‌రిస్థితి ఎదుర్కొన్నారు. భారీగా గుమికూడిన జ‌నాల నుంచి ఒక‌రిద్ద‌రు వారిని లైంగిక వేధింపుల‌కు గురిచేశారు. విప‌రీత‌మైన ర‌ద్దీలో మాల్‌లోకి వెళ్లేందుకు ప్ర‌య‌త్నిస్తుండ‌గా ప్ర‌వేశ ద్వారం వ‌ద్ద ఈ ఘ‌ట‌న ఎదురైంది. త‌నను అస‌భ్యంగా తాకేందుకు ప్ర‌య‌త్నించిన వ్య‌క్తిని ఓ న‌టి చెంప‌దెబ్బ కొట్టేందుకు ప్ర‌య‌త్నించారు.

#SaturdayNight promotion at Kozhikode HiLite mall…!!
Someone misbehaved with #Saniya…!! Mis management from event managers 🤦

Again it's proved that HiLite mall is not a best place for movie promotion! pic.twitter.com/ko3UvojhVh

— AB George (@AbGeorge_) September 27, 2022

త‌మ‌కు ఎదురైన షాకింగ్ ఘ‌ట‌న గురించి ఇద్ద‌రు న‌టీమ‌ణులు సోష‌ల్ మీడియాలో పోస్ట్ చేశారు. కాలిక‌ట్‌లోని ఓ మాల్‌లో త‌మ నూత‌న సినిమా ప్ర‌మోష‌న్ సంద‌ర్భంగా ప్ర‌జ‌లు త‌మ ప‌ట్ల ఎంతో అభిమానం చూపార‌ని, ఈవెంట్ ముగిసిన త‌ర్వాత తాము తిరిగివ‌స్తుండ‌గా త‌న కొలీగ్ ప‌ట్ల ఓ వ్య‌క్తి అభ్యంత‌ర‌క‌రంగా ప్ర‌వ‌ర్తించాడ‌ని, ఇంత‌లో త‌న ప‌ట్ల ఓ వ్య‌క్తి అలాగే ప్ర‌వ‌ర్తించ‌డంతో తాను షాక్ తిని రియాక్ట్ అయ్యాన‌ని న‌టి సోష‌ల్ మీడియాలో పోస్ట్ చేశారు.

ఇలాంటి ప‌రిస్ధితి జీవితంలో ఎవ‌రికీ ఎదురుకాకూడద‌ని కోరుకుంటున్నాన‌ని ఆమె ఆ పోస్ట్‌లో పేర్కొన్నారు. ఇక ఆమె స‌హ‌న‌టి కూడా త‌నకెదురైన అనుభ‌వాన్ని మ‌ళ‌యాళంలో సుదీర్ఘ పోస్ట్‌లో వివరించారు. మూవీ ప్ర‌మోష‌న్స్‌లో త‌మ ప‌ట్ల అమ‌ర్యాద‌గా వ్య‌వ‌హ‌రించిన వారిపై సినీ బృందం న్యాయ‌ప‌ర‌మైన చ‌ర్య‌లు చేప‌డుతుంద‌ని ఆమె పేర్కొన్నారు. మాల్ ఎంట్ర‌న్స్ వ‌ద్ద లోప‌లికి వెళ్లేందుకు న‌టీమ‌ణులు ప్ర‌య‌త్నించ‌డం, వీరు ప్ర‌స్తావించిన ఘ‌ట‌న‌లతో కూడిన వీడియో సోష‌ల్ మీడియాలో వైర‌ల‌వుతోంది.