Uttar Pradesh | దారుణం.. పెళ్లికి ముందే గర్భం దాల్చిందని యువతిపై పెట్రోల్‌ పోసి నిప్పంటించారు

Uttar Pradesh | ఉత్తరప్రదేశ్‌ (Uttar Pradesh) రాష్ట్రంలో దారుణం చోటు చేసుకుంది. పెళ్లికి ముందే గర్భం దాల్చిందని యువతిపై ఆమె తల్లి, సోదరుడు పెట్రోల్‌పోసి నిప్పంటించారు.

Uttar Pradesh | ఉత్తరప్రదేశ్‌ (Uttar Pradesh) రాష్ట్రంలో దారుణం చోటు చేసుకుంది. పెళ్లికి ముందే గర్భం దాల్చిందని యువతిపై ఆమె తల్లి, సోదరుడు పెట్రోల్‌పోసి నిప్పంటించారు. ఈ ఘటన హపూర్‌ (Hapur) జిల్లాలో చోటు చేసుకుంది. పోలీసులు తెలిపిన వివరాల ప్రకారం..

జిల్లాలోని నవాడా ఖుర్ద్‌ (Nawada Khurd) ప్రాంతానికి చెందిన 23 ఏళ్ల యువతి అదే గ్రామానికి చెందిన యువకుడిని ప్రేమించింది. ఈ క్రమంలో ఆ యువకుడితో గర్భం దాల్చింది. ఈ విషయం తెలుసుకున్న యువతి కుటుంబ సభ్యులు ఆగ్రహించారు. ఈ విషయం బయటకు తెలిస్తే కుటుంబ పరువు పోతుందని ఆమె తల్లి, సోదరుడు యువతిని సమీపంలోని అటవీ ప్రాంతంలోకి తీసుకెళ్లారు. అక్కడ ఆమెపై పెట్రోల్‌ పోసి నిప్పంటించారు. 70 శాతం కాలిన గాయాలతోపడి ఉన్న యువతిని గుర్తించిన స్థానికులు వెంటనే సమీపంలోని ఆసుపత్రికి తరలించి చికిత్స అందిస్తున్నారు. ప్రస్తుతం యువతి పరిస్థితి విషమంగా ఉన్నట్లు పోలీసులు వెల్లడించారు. ఈ మేరకు కేసు నమోదు చేసుకొని యువతి తల్లి, సోదరుడిని అదుపులోకి తీసుకున్నారు.

Also Read..

Tamilnad Mercantile Bank | క్యాబ్‌ డ్రైవర్‌ ఖాతాలో రూ.9వేల కోట్లు జమ.. బ్యాంక్‌ సీఈవో రాజీనామా

Viral Video | పోలీసు వాహనంపై కూర్చొని అసభ్యకర రీతిలో యువతి రీల్స్‌.. అనుమతించిన అధికారిపై వేటు

Viral Video | టీవీ లైవ్‌ డిబేట్‌లో కొట్టుకున్న నేతలు.. వీడియో