Zee5 | భారతదేశపు ఓటీటీ రంగంలో విప్లవాత్మక మార్పులు: సరికొత్త హంగులతో జీ5 రీలాంచ్!

Z5 | భారతీయ వినోద రంగంలో సరికొత్త శకానికి తెరలేచింది. ప్రముఖ ఓటీటీ దిగ్గజం జీ5 (Zee5) తన ప్లాట్‌ఫారమ్‌ను అత్యంత ఆధునిక సాంకేతికతతో, సరికొత్త బ్రాండ్ ఐడెంటిటీతో పూర్తిగా మార్చివేసింది. మారుతున్న కాలానికి అనుగుణంగా, ప్రేక్షకుల అభిరుచులకు తగినట్లుగా మొబైల్ మరియు కనెక్టెడ్ టీవీ (Connected TV) వినియోగదారుల కోసం జీ5 సరికొత్త ఫీచర్లను అందుబాటులోకి తెచ్చింది. వినోదాన్ని వెతకడం నుంచి చూడటం వరకు ప్రతి క్షణాన్ని లీనమయ్యేలా చేసేందుకు ఏఐ (AI) టెక్నాలజీని పెద్దఎత్తున జోడించారు.

Zee5 New Look | భారతీయ వినోద రంగంలో సరికొత్త శకానికి తెరలేచింది. ప్రముఖ ఓటీటీ దిగ్గజం జీ5 (Zee5) తన ప్లాట్‌ఫారమ్‌ను అత్యంత ఆధునిక సాంకేతికతతో, సరికొత్త బ్రాండ్ ఐడెంటిటీతో పూర్తిగా మార్చివేసింది. మారుతున్న కాలానికి అనుగుణంగా, ప్రేక్షకుల అభిరుచులకు తగినట్లుగా మొబైల్ మరియు కనెక్టెడ్ టీవీ (Connected TV) వినియోగదారుల కోసం జీ5 సరికొత్త ఫీచర్లను అందుబాటులోకి తెచ్చింది. వినోదాన్ని వెతకడం నుంచి చూడటం వరకు ప్రతి క్షణాన్ని లీనమయ్యేలా చేసేందుకు ఏఐ (AI) టెక్నాలజీని పెద్దఎత్తున జోడించారు.

ప్రేక్షకులు తమకు నచ్చిన కంటెంట్‌ను క్షణాల్లో వెతుక్కునేందుకు వీలుగా ఏఐ ఆధారిత పర్సనలైజేషన్‌ను జీ5 తీసుకువచ్చింది. మొబైల్ నుంచి పెద్ద తెరపైకి (టీవీకి) మారినప్పుడు ఎలాంటి అంతరాయం కలగకుండా క్రాస్-స్క్రీన్ ఎక్స్‌పీరియన్స్‌ను రూపొందించారు. అలాగే సబ్‌స్క్రిప్షన్లు, ప్లేబ్యాక్ మరియు పరికరాలకు సంబంధించిన సమస్యలను ఇట్టే పరిష్కరించేందుకు నెక్స్ట్-జనరేషన్ ఏఐ కస్టమర్ అసిస్టెంట్‌ను పరిచయం చేశారు. యూజర్ల గోప్యతకు అత్యంత ప్రాధాన్యతనిస్తూ కేటగిరీ-లీడింగ్ డేటా ప్రైవసీ ఫీచర్లను ఇందులో పొందుపరిచారు.

భారతీయ కుటుంబాల అందరి అభిరుచులను దృష్టిలో ఉంచుకుని జీ5 ఇప్పుడు ఐదు విభిన్న విభాగాలుగా విభజించబడింది. ప్రీమియం ఎంటర్‌టైన్‌మెంట్, ఫ్రీ 5, కిడ్జ్, టీవీ, మరియు స్పోర్ట్స్ విభాగాలుగా దీనిని తీర్చిదిద్దారు. ఇక ఎలాంటి సబ్‌స్క్రిప్షన్ అవసరం లేకుండా ఉచితంగా వినోదాన్ని పంచేందుకు ‘ఫ్రీ 5’ (Free 5) విభాగాన్ని సరికొత్తగా రీబూట్ చేశారు. దీని ద్వారా వెబ్ సిరీస్‌లు, సినిమాలు, కొరియన్ & చైనైస్ డ్రామాలు, యానిమే, వార్తలు, మైక్రో డ్రామాలు ఉచితంగా అందుబాటులో ఉంటాయి.

కేవలం ప్రాంతీయ చిత్రాలకే పరిమితం కాకుండా, జీ5 తన పరిధిని అంతర్జాతీయ స్థాయికి విస్తరించింది. ఇటీవలే ప్రతిష్టాత్మక ఫిఫా వరల్డ్ కప్ క్రీడా హక్కులను దక్కించుకున్న జీ5, ఏడు భాషల్లో తన సేవలను అందిస్తోంది. అంతేకాకుండా, PVR INOX PICTURES మరియు LIONSGATE PLAY సంస్థలతో వ్యూహాత్మక భాగస్వామ్యం కుదుర్చుకుని హాలీవుడ్ ప్రముఖులు నటించిన గ్లోబల్ సినిమాలను డిజిటల్ ప్రీమియర్‌గా అందిస్తోంది. నార్మల్, ది ఇన్‌వైట్, యాంగ్జియస్ పీపుల్, బేబీస్, ది విజార్డ్ ఆఫ్ ది క్రెమ్లిన్ వంటి భారీ చిత్రాలు ఇప్పుడు జీ5లో వీక్షకులను అలరించనున్నాయి.

ఈ సందర్భంగా జీ5 ఇండియా & ఏఐ-ఇన్నోవేషన్ బిజినెస్ హెడ్ తేజ్‌కరణ్ సింగ్ బజాజ్ మాట్లాడుతూ.. “వినోదాన్ని మరింత సులభంగా, ప్రేక్షకులకు మరింత చేరువయ్యేలా చేయడమే మా లక్ష్యం. ఏఐ సహాయంతో మొబైల్, టీవీ అనుభవాలను పూర్తిగా మార్చేశాము. ఇప్పుడు హాలీవుడ్ గ్లోబల్ కంటెంట్‌ను కూడా జోడించడం ద్వారా ప్రేక్షకులకు మరింత గొప్ప వినోద అనుభవాన్ని అందిస్తున్నాము” అని తెలిపారు.

జీ ఎంటర్‌టైన్‌మెంట్ ఎంటర్‌ప్రైజెస్ లిమిటెడ్ చీఫ్ టెక్నాలజీ ఆఫీసర్ ప్రమోద్ ప్రకాష్ మాట్లాడుతూ.. “యూజర్ల జర్నీని అత్యంత సహజంగా మార్చడమే మా లక్ష్యం. టెక్నాలజీ ఎలాంటి ఆటంకం లేకుండా వెనుక ఉండి పనిచేస్తూ, కేవలం వినోదమే ప్రధానం కావాలన్నదే మా సిద్ధాంతం” అని పేర్కొన్నారు.