Yash | నిజ జీవితంలో నేను రాముడిని.. తెరపై రావణుడిని: యశ్ ఆసక్తికర వ్యాఖ్యలు!

Yash | ‘కేజీఎఫ్‌’ సినిమాలతో దేశవ్యాప్తంగా గుర్తింపు తెచ్చుకున్న కన్నడ స్టార్‌ యశ్‌ ఇప్పుడు ‘రామాయణం’ చిత్రంతో ప్రేక్షకుల ముందుకు రాబోతున్నారు. ఈ సినిమాలో ఆయన రావణుడి పాత్రను పోషిస్తుండగా, రణబీర్‌ కపూర్‌ రాముడిగా, సాయి పల్లవి సీతగా కనిపించనున్నారు. సినిమా ప్రచార కార్యక్రమాల్లో భాగంగా రణబీర్‌ కపూర్‌, యశ్‌, రకుల్‌ ప్రీత్‌ సింగ్‌ ప్రముఖ యాంకర్‌ సుమతో ప్రత్యేక ఇంటర్వ్యూలో పాల్గొన్నారు.

Yash | ‘కేజీఎఫ్‌’ సినిమాలతో దేశవ్యాప్తంగా గుర్తింపు తెచ్చుకున్న కన్నడ స్టార్‌ యశ్‌ ఇప్పుడు ‘రామాయణం’ చిత్రంతో ప్రేక్షకుల ముందుకు రాబోతున్నారు. ఈ సినిమాలో ఆయన రావణుడి పాత్రను పోషిస్తుండగా, రణబీర్‌ కపూర్‌ రాముడిగా, సాయి పల్లవి సీతగా కనిపించనున్నారు. సినిమా ప్రచార కార్యక్రమాల్లో భాగంగా రణబీర్‌ కపూర్‌, యశ్‌, రకుల్‌ ప్రీత్‌ సింగ్‌ ప్రముఖ యాంకర్‌ సుమతో ప్రత్యేక ఇంటర్వ్యూలో పాల్గొన్నారు. ఈ సందర్భంగా యశ్‌ తన పిల్లలతో రామాయణం గురించి జరిగిన ఆసక్తికర సంభాషణను పంచుకున్నారు. ‘రామాయణం’ సినిమాలో తాను రావణుడి పాత్ర పోషిస్తున్న విషయాన్ని పిల్లలకు చెప్పినప్పుడు వారు ఆశ్చర్యపోయారని యశ్‌ తెలిపారు.

అంతేకాదు, రాముడి పాత్రలో ఎందుకు నటించడం లేదని తనను ప్రశ్నించారని వెల్లడించారు. నేను రామాయణం సినిమా చేస్తున్నానని పిల్లలకు చెప్పినప్పుడు వాళ్లు ఆశ్చర్యపోయారు. రావణుడిగా ఎందుకు నటిస్తున్నావు? రాముడిగా ఎందుకు నటించడం లేదు? అని అడిగారు అని యశ్‌ గుర్తుచేసుకున్నారు. పిల్లల ప్రశ్నకు సమాధానంగా రాముడి గొప్పతనం గురించి వివరించినట్లు చెప్పారు. చివరికి మనం రాముడిని అనుసరించాల్సిందే. నిజ జీవితంలో నేను రాముడిని, తెరపై రావణుడిని అంటూ యశ్‌ చేసిన వ్యాఖ్యలు ఇప్పుడు ఆసక్తిని రేకెత్తిస్తున్నాయి. రావణుడికి అందం, శక్తి, జ్ఞానం వంటి ఎన్నో గొప్ప లక్షణాలు ఉన్నప్పటికీ, రాముడి ధర్మం, విలువలు అంతకంటే గొప్పవని యశ్‌ అభిప్రాయపడ్డారు. జీవితంలో విజయం సాధించాలంటే రాముడి వ్యక్తిత్వంలోని గొప్ప లక్షణాలను, ఆయన అనుసరించిన విలువలను ఆదర్శంగా తీసుకోవాలని చెప్పారు.

రావణుడికి అందం, శక్తి అన్నీ ఉన్నాయి. అయినప్పటికీ రాముడే గొప్పవాడు. జీవితంలో గెలవాలంటే రాముడి సారాన్ని, ఆయన విలువలను అనుసరించాలి అని యశ్‌ పేర్కొన్నారు. రావణుడి పాత్రను తెరపై పోషిస్తున్నప్పటికీ, వ్యక్తిగత జీవితంలో రాముడి విలువలను అనుసరించాలనే సందేశాన్ని ఆయన తన మాటల ద్వారా అందించారు. రామాయణం వంటి ఇతిహాస కథలు పిల్లలకు జీవిత విలువలను నేర్పించడంలో ఎంతో ఉపయోగపడతాయని యశ్‌ అభిప్రాయపడ్డారు. తల్లిదండ్రులు పిల్లలకు ఏది మంచో, ఏది చెడో నేరుగా చెప్పడం కంటే కథల ద్వారా వివరించడం మరింత ప్రభావవంతంగా ఉంటుందని అన్నారు. ‘రామాయణం వంటి కథలు పిల్లలకు జీవితాన్ని, మన విలువలను వారి సొంత ఆలోచనలతో అర్థం చేసుకునే స్వేచ్ఛను ఇస్తాయి. గత తరాల అనుభవాలు, జ్ఞానం, విజ్ఞతను కథల రూపంలో వారికి అందించవచ్చు అని యశ్‌ వివరించారు. ఆయన చేసిన ఈ వ్యాఖ్యలు సోషల్‌ మీడియాలో చర్చనీయాంశంగా మారాయి.