Junior NTR and Koratala Siva | జూనియర్ ఎన్టీఆర్ కొరటాల శివ కాంబినేషన్లో సినిమా అనౌన్స్ అయి చాలా రోజులు అయింది. కానీ ఈ సినిమా ఇప్పటివరకు పట్టాలెక్కలేదు. దానికి కారణం ఆచార్య ఫెయిల్యూర్ కావడమే అని సోషల్ మీడియాలో వార్తలు చాలానే వస్తున్నాయి. ఒకవేళ అదే నిజమైతే ఆచార్య ప్లాప్ అయిన వెంటనే జూనియర్ ఎన్టీఆర్ ఈ సినిమా క్యాన్సిల్ చేసుకునేవాడు కానీ.. కంటిన్యూ అయ్యేవాడు కాదు కదా అనే వార్తలు కూడా వస్తున్నాయి. ఒకటి మాత్రం నిజం.. ఆచార్య ఒకవేళ హిట్ అయి ఉంటే ఈపాటికి సినిమా మొదలయ్యేది. కానీ ఆ సినిమా ఫ్లాప్ కావడంతోనే స్క్రిప్ట్ లో మరిన్ని మార్పులు చేయడానికి కొరటాల శివ సిద్ధమవుతున్నాడు. పైగా పాన్ ఇండియా సినిమా కావడంతో అన్ని భాషల వాళ్లకు నచ్చేలా ఈ స్క్రిప్టులో మార్పులు చేయాల్సిన అవసరం ఎంతైనా ఉంది అంటున్నాడు ఎన్టీఆర్.
ట్రిపుల్ ఆర్ సినిమాతో ఎన్టీఆర్కు నేషనల్ వైడ్గా మంచి ఫాలోయింగ్ వచ్చింది. అది నిలబెట్టుకోవాలంటే కచ్చితంగా అద్భుతమైన స్క్రిప్ట్ తో రావాల్సిందే. ఏ మాత్రం తేడా కొట్టిన ప్రభాస్కు ఎదురైన పరాభావాలు రిపీట్ అయ్యే ప్రమాదం లేకపోలేదు. అందుకే కొరటాల సినిమా విషయంలో ఆలస్యమైనా ఫర్లేదు అంటున్నాడు ఎన్టీఆర్. పైగా డబుల్ హ్యాట్రిక్ కొట్టి జోరు మీదున్నాడు. ఇలాంటి సమయంలో రిస్క్ తీసుకోవడానికి అసలు ఇష్టపడటం లేదు తారక్. అందుకే కొరటాల సినిమా ఇంకా లేట్ అవుతుంది. అన్ని అనుకున్నట్టు జరిగితే ఆగస్టు నుంచి ఈ సినిమా సెట్స్ పైకి వెళ్లనుంది. సినిమా వచ్చే ఏడాది సమ్మర్లో విడుదల కానుంది.
“Jr NTR | ‘బింబిసార’ బిజినెస్ కోసమే తారక్ పేరు వాడుకుంటున్నారా..?”
“Koratala Siva Next Project’s | ఆ ముగ్గురు స్టార్ హీరోలను లైన్లో పెట్టిన కొరటాల శివ?”