ఇచ్చుకుందాం బేబీ..

విశ్వక్‌సేన్‌ కథానాయకుడిగా నటిస్తున్న తాజా చిత్రం ‘లైలా’. రామ్‌ నారాయణ్‌ దర్శకత్వం వహిస్తున్న ఈ చిత్రాన్ని సాహు గారపాటి నిర్మిస్తున్నారు. ఫిబ్రవరి 14న ప్రేక్షకుల ముందుకురానుంది.

విశ్వక్‌సేన్‌ కథానాయకుడిగా నటిస్తున్న తాజా చిత్రం ‘లైలా’. రామ్‌ నారాయణ్‌ దర్శకత్వం వహిస్తున్న ఈ చిత్రాన్ని సాహు గారపాటి నిర్మిస్తున్నారు. ఫిబ్రవరి 14న ప్రేక్షకుల ముందుకురానుంది. ఈ సినిమాలో ‘ఇచ్చుకుందాం బేబీ..’ అంటూ సాగే రెండో గీతాన్ని ఈ నెల 23న విడుదల చేయబోతున్నారు. ఈ సందర్భంగా మంగళవారం సాంగ్‌ అనౌన్స్‌మెంట్‌ పోస్టర్‌ను రిలీజ్‌ చేశారు.

లియోన్‌ జేమ్స్‌ సంగీతంలో రొమాంటిక్‌ గీతంగా ఆకట్టుకుంటుందని, నాయకానాయికల మధ్య కెమిస్ట్రీ ప్రధానాకర్షణగా నిలుస్తుందని చిత్రబృందం పేర్కొంది. ఈ సినిమాలో విశ్వక్‌సేన్‌ బ్యూటీపార్లర్‌ నడిపించే మోడల్‌ సోనూగా, లైలా అనే అమ్మాయిగా రెండు పాత్రల్లో కనిపించనున్నారు. ఇటీవల విడుదల చేసిన టీజర్‌కు మంచి స్పందన లభించిందని, రొమాన్స్‌, యాక్షన్‌, కామెడీ అంశాలతో ఈ సినిమా మెప్పిస్తుందని మేకర్స్‌ తెలిపారు. ఈ చిత్రానికి సంగీతం: లియోన్‌ జేమ్స్‌, రచన: వాసుదేవ మూర్తి, దర్శకత్వం: రామ్‌ నారాయణ్‌.