Thalapathy Vijay | ఆ సినిమాకి 250 కోట్లు తీసుకుంటున్న దళపతి విజయ్‌?

Thalapathy Vijay | తమిళ అగ్ర కథానాయకుడు దళపతి విజయ్‌ రాజకీయాల్లోకి ఎంట్రీ ఇవ్వడానికి సిద్ధమవుతున్న విషయం తెలిసిందే. ఈ నేపథ్యంలో ఆయన చివరి సినిమా సన్నాహాల్లో ఉన్నారు. విజయ్‌ 69వ మూవీగా తెరకెక్కబోతున్న ఈ సినిమాకు హెచ్‌.వినోద్‌ దర్శకత్వం వహించనున్నారు. డీవీవీ దానయ్య నిర్మాత. పొలిటికల్‌ థ్రిల్లర్‌గా తెరకెక్కనున్న ఈ సినిమా విజయ్‌ రాజకీయ అరంగేట్రానికి ఊపునిచ్చే విధంగా ఉంటుందని ఆయన అభిమానులు అనుకుంటున్నారు.

Thalapathy Vijay | తమిళ అగ్ర కథానాయకుడు దళపతి విజయ్‌ రాజకీయాల్లోకి ఎంట్రీ ఇవ్వడానికి సిద్ధమవుతున్న విషయం తెలిసిందే. ఈ నేపథ్యంలో ఆయన చివరి సినిమా సన్నాహాల్లో ఉన్నారు. విజయ్‌ 69వ మూవీగా తెరకెక్కబోతున్న ఈ సినిమాకు హెచ్‌.వినోద్‌ దర్శకత్వం వహించనున్నారు. డీవీవీ దానయ్య నిర్మాత. పొలిటికల్‌ థ్రిల్లర్‌గా తెరకెక్కనున్న ఈ సినిమా విజయ్‌ రాజకీయ అరంగేట్రానికి ఊపునిచ్చే విధంగా ఉంటుందని ఆయన అభిమానులు అనుకుంటున్నారు.

ఈ సినిమాలో విజయ్‌ యువ రాజకీయ నాయకుడి పాత్రలో కనిపిస్తారని తెలిసింది. ఇదిలావుండగా ఈ సినిమా కోసం విజయ్‌ తీసుకునే రెమ్యునరేషన్‌ గురించి తమిళ సినీ వర్గాల్లో ఆసక్తికరమైన చర్చ నడుస్తున్నది. విజయ్‌ చివర చిత్రం కావడంతో వసూళ్ల పరంగా ఈ సినిమా రికార్డు సృష్టించడం ఖాయమని ట్రేడ్‌ వర్గాలు అంచనా వేస్తున్నాయి. ఈ నేపథ్యంలో ఈ సినిమాకు విజయ్‌ 250 కోట్ల భారీ రెమ్యునరేషన్‌ను తీసుకోబోతున్నారని సమాచారం. అదేగనుక నిజమైతే భారతీయ చిత్రసీమలో అత్యధిక పారితోషికం అందుకున్న హీరోగా విజయ్‌ చరిత్ర సృష్టించడం ఖాయమని అంటున్నారు. ప్రస్తుతం విజయ్‌ ‘గోట్‌’ (గ్రేటెస్ట్‌ ఆఫ్‌ ఆల్‌ టైమ్‌) సినిమాలో నటిస్తున్నారు. వెంకట్‌ప్రభు దర్శకుడు. ఎయిర్‌ఫోర్స్‌ బ్యాక్‌డ్రాప్‌లో ఈ చిత్రాన్ని తెరకెక్కిస్తున్నారు.