Visit:
Vijay Devarakonda | టాలీవుడ్ రౌడీ హీరో విజయ్ దేవరకొండ రీసెంట్గా వివాహ బంధంలోకి అడుగుపెట్టిన విషయం తెలిసిందే. గత కొన్నేళ్లుగా రిలేషన్లో ఉన్న తన ప్రేయసి, నేషనల్ క్రష్గా పేరు తెచ్చుకున్న రష్మిక మందన్నాని ఆయన వివాహం చేసుకున్నారు. కుటుంబ సభ్యులు, సన్నిహితుల సమక్షంలో జరిగిన ఈ వేడుక తర్వాత ఈ జంట తమ జీవితంలో కొత్త ప్రయాణాన్ని ప్రారంభించింది. పెళ్లి వేడుకలు ముగియడంతో త్వరలోనే ఈ ఇద్దరూ మళ్లీ తమ సినిమాల పనుల్లో బిజీ కానున్నారు. విజయ్ దేవరకొండ ప్రస్తుతం రెండు భారీ ప్రాజెక్టులతో బిజీగా ఉన్నాడు. వాటిలో ఒకటి రౌడీ జనార్ధన్ కాగా, మరో చిత్రం రణబాలి. ఈ రెండు సినిమాలు కూడా పాన్ ఇండియా స్థాయిలో తెరకెక్కుతున్నాయి. అందుకే ఈ ప్రాజెక్టులపై అభిమానుల్లో ఇప్పటికే భారీ అంచనాలు నెలకొన్నాయి.
‘రౌడీ జనార్ధన’ సినిమాను దర్శకుడు రవి కిరణ్ తెరకెక్కిస్తున్నారు. ప్రముఖ నిర్మాత దిల్ రాజు ఈ చిత్రాన్ని నిర్మిస్తున్నారు. ఈ సినిమాలో విజయ్ దేవరకొండ మాస్ రౌడీ పాత్రలో కనిపించనున్నట్లు సమాచారం. యాక్షన్, మాస్ ఎలిమెంట్స్కు ఎక్కువ ప్రాధాన్యం ఉండేలా ఈ సినిమా రూపొందుతోందని టాలీవుడ్లో టాక్ వినిపిస్తోంది. ఇక ‘రణబాలి’ విషయానికి వస్తే, ఈ చిత్రం పీరియాడికల్ సెటప్లో తెరకెక్కుతున్నట్లు తెలుస్తోంది. ఈ సినిమాకు దర్శకుడు రాహుల్ సంకృత్యయన్ దర్శకత్వం వహిస్తున్నారు. కథ, ప్రెజెంటేషన్ పరంగా ఈ సినిమా ప్రత్యేకంగా ఉండబోతుందని సినీ వర్గాలు చెబుతున్నాయి. గత కొంతకాలంగా పెద్ద హిట్ కోసం ఎదురుచూస్తున్న విజయ్ దేవరకొండ ఈ రెండు సినిమాలపై భారీ ఆశలు పెట్టుకున్నట్లు తెలుస్తోంది. ఈ ప్రాజెక్టులు విజయం సాధిస్తే ఆయన క్రేజ్ మరింత పెరగడం ఖాయమని విశ్లేషకులు అభిప్రాయపడుతున్నారు.
అయితే ఈ రెండు సినిమాల తర్వాత విజయ్ దేవరకొండ మరో కొత్త దర్శకుడితో సినిమా చేయబోతున్నట్లు వార్తలు వినిపిస్తున్నాయి. ఆ దర్శకుడు మరెవరో కాదు శౌర్యువ్. ఆయన గతంలో నేచురల్ స్టార్ నాని హీరోగా తెరకెక్కించిన హాయ్ నాన్న సినిమాతో గుర్తింపు పొందారు. కమర్షియల్ పరంగా పెద్ద విజయం కాకపోయినా, కథా భావోద్వేగాల పరంగా ఆ సినిమా మంచి స్పందన పొందింది. ఇటీవల శౌర్యువ్ చెప్పిన కథ విజయ్ దేవరకొండకు నచ్చడంతో ఆయన ఈ ప్రాజెక్టుకు గ్రీన్ సిగ్నల్ ఇచ్చినట్లు సినీ వర్గాల్లో చర్చ జరుగుతోంది. త్వరలోనే ఈ సినిమాకు సంబంధించిన అధికారిక ప్రకటన వచ్చే అవకాశముందని సమాచారం. అయితే వరుసగా మాస్ ఇమేజ్ ఉన్న ‘రౌడీ జనార్ధన’, ‘రణబాలి’ వంటి సినిమాల తర్వాత శౌర్యువ్ వంటి క్లాస్ టచ్ ఉన్న దర్శకుడితో సినిమా చేయడం కొంత రిస్క్ అని విశ్లేషకులు అభిప్రాయపడుతున్నారు. విజయ్ అభిమానుల్లో కూడా ఇదే చర్చ సాగుతోంది. అయినప్పటికీ కథ బలంగా ఉంటే ఈ కాంబినేషన్ మంచి ఫలితాన్ని ఇవ్వవచ్చని కూడా కొందరు అంటున్నారు.
