‘ప్రేమ అనేది లావాదేవీ కాదు..ఇచ్చిపుచ్చుకోవడానికి. మనల్ని ప్రేమించకున్నా మనం ప్రేమించడమే నిజమైన ప్రేమ. ఇదే అంశాన్ని భావోద్వేగభరితంగా ‘లవ్గురు’ చిత్రంలో ఆవిష్కరించాం’ అన్నారు విజయ్ ఆంటోని. ఆయన కథానాయకుడిగా వినాయక్ వైద్యనాథన్ దర్శకత్వంలో రూపొందిన ఈ చిత్రం ఈ నెల 11న మైత్రీ మూవీ డిస్ట్రిబ్యూషన్ ద్వారా ప్రేక్షకుల ముందుకురానుంది. ఈ సందర్భంగా విజయ్ ఆంటోని పంచుకున్న సినిమా విశేషాలు..
ప్రేమను విభిన్న కోణంలో ఆవిష్కరించే చిత్రమిది. ఈ సినిమా చూశాక జీవిత భాగస్వామిని ప్రేమించడం ఎలాగో నేర్చుకుంటారు. ఓ జంట పెళ్లి చేసుకుంటారు. కొద్ది రోజుల తర్వాత భార్యకు భర్తపై ఏమాత్రం ఇష్టం లేదని తెలుస్తుంది. అయినా తనను అర్థం చేసుకుంటుందని భర్త ఆశిస్తాడు. కానీ ఆమె అతన్ని ఎప్పటికీ ప్రేమించదు. ఈ పరిస్థితుల్లో హీరో ఏం చేశాడు? వారి బంధం ఏ తీరానికి చేరిందన్నదే సినిమాలో ఆసక్తికరమైన అంశం.
ప్రేమ భావన ఎప్పుడైనా మంచే చేస్తుంది. అందుకే నెగెటివ్ మైండ్సెట్ ఉన్న వ్యక్తులతో కూడా మనం పాజిటివ్గా ఉండేందుకు ప్రయత్నించాలి. మనల్ని మోసం చేసిన వారు ఏదో ఒకరోజు తప్పు తెలుసుకుంటారు. ఈ కథలోని హీరో పాత్ర కూడా ద్వేషించిన వారిని ప్రేమిస్తుంటుంది. దర్శకుడు తన నిజ జీవితంలో చూసిన అనుభవాలతో ఈ కథ రాసుకున్నాడు. సంభాషణలన్నీ సహజంగా ఉంటాయి.
నేను తెలుగు నేర్చుకోలేకపోయాను. ఒకవేళ తెలుగు వచ్చి ఉంటే హైదరాబాద్లో సెటిలైపోయి ఇక్కడే స్ట్రెయిట్ సినిమాలు చేసేవాడిని. ఇక నా తదుపరి సినిమాల గురించి చెప్పాలంటే..2026వ వేసవిలో ‘బిచ్చగాడు-3’ చిత్రాన్ని ప్రేక్షకుల ముందుకు తీసుకొస్తాం. ప్రస్తుతం స్క్రిప్ట్ వర్క్ జరుగుతున్నది. ఈ సినిమాకు నేనే దర్శకత్వం వహిస్తా. ప్రస్తుతం మా ప్రొడక్షన్లో మూడు సినిమాలు లైనప్లో ఉన్నాయి.