Video | పఠాన్‌ సినిమా నచ్చలేదన్న చిన్నారి.. స్పందించిన షారూఖ్‌ ఖాన్‌

Pathaan Movie | పఠాన్‌ సినిమాతో మళ్లీ బిగ్‌ స్క్రీన్‌పై మెరిసిన షారూఖ్‌ ఖాన్.. తన అభిమానుల కలలను నిజం చేశాడు. ఈ సినిమా బాక్సాఫీస్‌ను బద్దలు కొట్టింది. కలెక్షన్‌ల వర్షం కురిపిస్తు్న్నది.

ముంబై: పఠాన్‌ సినిమాతో మళ్లీ బిగ్‌ స్క్రీన్‌పై మెరిసిన షారూఖ్‌ ఖాన్.. తన అభిమానుల కలలను నిజం చేశాడు. ఈ సినిమా బాక్సాఫీస్‌ను బద్దలు కొట్టింది. కలెక్షన్‌ల వర్షం కురిపిస్తు్న్నది. విడుదలైన తర్వాత తొలి 10 రోజుల్లో దాదాపు రూ.400 కోట్ల కలెక్షన్‌లను రాబట్టింది. ఈ సినిమాలో కింగ్‌ ఖాన్‌ షారూఖ్‌ నటనను ప్రతి ఒక్కరూ మెచ్చుకుంటున్నారు. ప్రశంసల వర్షం కురిపిస్తున్నారు.

కానీ, ఒక చిన్నారికి మాత్రం పఠాన్‌ మూవీ నచ్చలేదు. తనకు పఠాన్‌ సినిమా నచ్చలేదని చిన్నారి చెప్పిన వీడియో ప్రస్తుతం ట్విటర్‌లో హల్‌చల్‌ చేస్తున్నది. అభిషేక్‌ కుమార్‌ అనే ట్విటర్‌ యూజర్‌ ఈ వీడియోను పోస్ట్‌ చేశాడు. వీడియోలో ఏముందంటే.. ‘అహనా, నువ్వు ఏ సినిమా చూసి వచ్చావ్‌’ అని అభిషేక్‌ అహనా అనే చిన్నారిని ప్రశ్నించాడు. అందుకు అహనా ‘పఠాన్‌’ అని చెప్పింది. ఆ సినిమా నీకు నచ్చిందా అని అడగ్గానే ‘లేదు’ అని జవాబిచ్చింది.

సోషల్‌ మీడియాలో వైరల్‌ అవుతున్న ఈ వీడియో చివరికి హీరో షారూఖ్‌ ఖాన్‌ దృష్టికి వచ్చింది. దానికి ఆయన తనదైన స్టైల్లో.. ‘ఓహ్‌ ఓహ్‌..!! ఇప్పుడు నేను హార్డ్‌ వర్క్‌ చేయాలి. చిన్నారి ప్రేక్షకులను అస్సలు నిరాశపర్చొద్దు.’ అంటూ రిప్లై ఇచ్చాడు. కేవలం ఏడు సెకన్‌ల నిడివిగల అహనా వీడియోపై మనం కూడా ఓ లుక్కేద్దామా..

@iamsrk Ooops pic.twitter.com/uePgawGkUg

— Abhishek kumar (@AbhiKmr88) February 5, 2023