Operation Valentine | మెగా ప్రిన్స్ వరుణ్ తేజ్ నటించిన ప్రయోగాత్మక చిత్రం ఆపరేషన్ వాలంటైన్. మిస్ వరల్డ్ మానుషి చిల్లర్, రుహానీ శర్మ నటించిన ఈ సినిమా మార్చి 1వ తేదీన విడుదలైంది. తెలుగుతో పాటు హిందీలోనూ ఒకేసారి విడుదలైన ఈ సినిమాలో ఇండియన్ ఎయిర్ఫోర్స్ గురించి అద్భుతంగా చూపించారు. పుల్వామా ఎటాక్, ఉగ్రవాదులకు ఇండియా ఇచ్చిన కౌంటర్ వంటి పలు యదార్థ ఘటనల ఆధారంగా ఈ సినిమాను తెరకెక్కించారు. ఈ సినిమాకు పాజిటివ్ టాక్ వచ్చినప్పటికీ కలెక్షన్లు రాబట్టడంతో మాత్రం వెనుకబడిపోయింది. ఫలితంగా బాక్సాఫీస్ దగ్గర ఫ్లాప్గా మిగిలిపోయింది. ఇప్పుడు ఈ సినిమా నెల తిరక్కుండానే ఓటీటీలోకి వచ్చేందుకు సిద్ధమైంది.
ఆపరేషన్ వాలంటైన్ సినిమా ఓటీటీ హక్కులను అమెజాన్ ప్రైమ్ వీడియోస్ దక్కించుకుంది. ముందుగా చేసుకున్న ఒప్పందం ప్రకారం సినిమా రిలీజైన 4 వారాల తర్వాత ఓటీటీలోకి రానుంది. అంటే మార్చి 29 నుంచి ఈ సినిమా ఓటీటీలో స్ట్రీమింగ్ కానుంది. అయితే తెలుగు వర్షన్ మాత్రమే ఆ రోజు విడుదలవుతుంది. ఆ తర్వాత తమిళం, కన్నడ మలయాల భాషల్లో కూడా రిలీజ్ చేయనున్నారు. హిందీ వర్షన్ను మరో రెండు నెలల తర్వాతే ఓటీటీలోకి వచ్చే అవకాశం ఉంది. దీనిపై త్వరలోనే అధికారిక ప్రకటన రానున్నట్లు వార్తలు వినిపిస్తున్నాయి.