చైన్‌ రియాక్షన్‌ ఆఫ్‌ కర్మ

వరలక్ష్మి శరత్‌కుమార్‌, నవీన్‌చంద్ర ప్రధాన పాత్రధారులుగా రూపొందిన హారర్‌, యాక్షన్‌ థ్రిల్లర్‌ ‘పోలీస్‌ కైంప్లెంట్‌'. సంజీవ్‌ మాగోటి దర్శకుడు. బాలకృష్ణ మహారాణా నిర్మాత. జూన్‌ 12న సినిమా విడుదల కానున్నది.

వరలక్ష్మి శరత్‌కుమార్‌, నవీన్‌చంద్ర ప్రధాన పాత్రధారులుగా రూపొందిన హారర్‌, యాక్షన్‌ థ్రిల్లర్‌ ‘పోలీస్‌ కైంప్లెంట్‌’. సంజీవ్‌ మాగోటి దర్శకుడు. బాలకృష్ణ మహారాణా నిర్మాత. జూన్‌ 12న సినిమా విడుదల కానున్నది. ప్రచార చిత్రాల వల్ల సినిమాపై అంచనాలు పెరిగాయని మేకర్స్‌ తెలిపారు. ఈ క్రమంలో సూపర్‌స్టార్‌ కృష్ణకు నివాళిగా రూపొందిన ప్రత్యేక గీతాన్ని విడుదల చేశారు.

సూపర్‌స్టార్‌ కృష్ణ సోదరుడు, ప్రముఖ నిర్మాత ఘట్టమనేని ఆదిశేషగిరిరావు ఈ పాటను ఆవిష్కరించి, చిత్రబృందానికి శుభాకాంక్షలు అందించారు. కృష్ణసాయి, కృతివర్మలపై తీసిన ఈ పాట సినిమాకు హైలైట్‌గా నిలుస్తుందని మేకర్స్‌ చెబుతున్నారు.

‘చైన్‌ రియాక్షన్‌ ఆఫ్‌ కర్మ’ అనే కాన్సెప్ట్‌ చుట్టూ ఈ కథ నడుస్తుందని, హారర్‌ థ్రిల్లర్‌ అంశాలతో పాటు, యాక్షన్‌, ఎమోషన్స్‌ మేళవింపుగా రూపొందిన ఈ చిత్రం ప్రేక్షకులకు కొత్త అనుభూతినిస్తుందని దర్శకుడు సంజీవ్‌ మేగోటి చెప్పారు. ఈ సినిమాలో భాగం కావడం పట్ల నటుడు కృష్ణసాయి ఆనందం వ్యక్తం చేశారు. ఈ చిత్రానికి కెమెరా: ఎస్‌ఎన్‌ హరీశ్‌ సొండెకొప్ప, సంగీతం: ఆరోహణ సుధీంద్ర, సంజీవ్‌ మేగోటి, సుధాకర్‌ మారియో.