Valimai | జీ తెలుగులో ‘వలిమై’ చిత్రం.. ఎప్పుడంటే?

Valimai | త‌మిళ స్టార్ అజిత్ హీరోగా న‌టించిన లేటెస్ట్ చిత్రం ‘వ‌లిమై’. హెచ్‌. వినోద్ ద‌ర్శ‌క‌త్వం వ‌హించిన ఈ చిత్రంలో టాలీవుడ్ యువ న‌టుడు కార్తికేయ ప్ర‌తినాయ‌కుడి పాత్ర‌లో న‌టించాడు. ఫిబ్ర‌వ‌రి 24న విడుద‌లైన ఈ చిత్రం త‌మిళనాట భారీ క‌లెక్ష‌న్ల‌ను సాధించింది. కేవ‌లం రెండు రోజుల్లోనే 100కోట్ల గ్రాస్ క‌లెక్ష‌న్ల‌ను సాధించి రికార్డు సృష్టించింది. గ‌తనెల 25నుంచి ‘జీ-5’ స్ట్రీమింగ్ అవుతున్న ఈ చిత్రం శాటిలైట్ స్ట్రీమింగ్‌కు సిద్ధ‌మైంది.

సస్పెన్స్ యాక్ష‌న్ థ్రిల్ల‌ర్‌గా తెర‌కెక్కిన ఈ చిత్రం ఆదివారం ‘జీ తెలుగు’లో సాయంత్రం 5.30 నిమిషాల‌కు సంద‌డి చేయ‌నుంది. బేవ్యూ ప్రాజెక్ట్స్ ఎల్ఎల్‌పి బ్యాన‌ర్‌పై బోనిక‌పూర్ ఈ చిత్రాన్ని నిర్మించాడు. హుమా ఖురేషి, గుర్బాని జ‌డ్జ్ కీల‌క‌పాత్ర‌ల్లో న‌టించిన ఈ చిత్రానికి యువ‌న్ శంక‌ర్ రాజా సంగీతం అందించాడు. ఫైన‌ల్‌గా ఈ చిత్రం 218కోట్ల‌ను సాధించి హిట్టుగా నిలిచింది.

World televelsion premiere 💥💥
Dont miss #Valimai in @ZeeTVTelugu at 5:30pm..#Ajithkumar𓃵 @humasqureshi #Hvinoth @BoneyKapoor pic.twitter.com/J0BjKXedn7

— Kartikeya (@ActorKartikeya) April 24, 2022