Vaazha | ఈసారి అమ్మాయిల బయోపిక్.. ‘వాళ 3’ ఫస్ట్ లుక్ విడుదల

Vaazha | మ‌ల‌యాళ చిత్ర ప‌రిశ్ర‌మ‌లో అత్యంత విజయవంతమైన ఫ్రాంచైజీలలో ఒకటిగా నిలిచిన 'వాళ' (Vaazha) సిరీస్ నుంచి మూడవ భాగం సిద్ధమవుతోంది.

Vaazha | మ‌ల‌యాళ చిత్ర ప‌రిశ్ర‌మ‌లో అత్యంత విజయవంతమైన ఫ్రాంచైజీలలో ఒకటిగా నిలిచిన ‘వాళ’ (Vaazha) సిరీస్ నుంచి మూడవ భాగం సిద్ధమవుతోంది. ఈ చిత్రానికి సంబంధించిన ఫస్ట్ లుక్ పోస్టర్‌ను ప్రముఖ దర్శకుడు విపిన్ దాస్ తాజాగా విడుదల చేశారు. ‘బయోపిక్ ఆఫ్ బిలియన్ గర్ల్స్’ అనే ట్యాగ్‌లైన్‌తో వస్తున్న ఈ సినిమాపై భారీ అంచనాలు నెలకొన్నాయి. గత రెండు భాగాల్లో అబ్బాయిల కథలను చూపించిన మేకర్స్, ఈ మూడవ భాగంలో పూర్తిగా మహిళా ప్రధాన తారాగణంతో సినిమాను రూపొందించడం విశేషం. విపిన్ దాస్ కథను అందించిన ఈ చిత్రానికి డెబ్యూటెంట్ విశ్వన్ శ్రీజిత్ దర్శకత్వం వహించ‌బోతున్నాడు.

కొత్త ప్రతిభను వెండితెరకు పరిచయం చేయాలనే ఉద్దేశంతోనే ఈ ఫ్రాంచైజీని ప్రారంభించామని, ఆ వారసత్వాన్ని ‘వాళ 3’తోనూ కొనసాగిస్తామని విపిన్ దాస్ సోషల్ మీడియా వేదికగా తెలిపారు. ఈ సినిమా షూటింగ్ వచ్చే ఏడాది ప్రారంభం కానుంది. 2024లో విడుదలైన ‘వాళ: బయోపిక్ ఆఫ్ బిలియన్ బాయ్స్’ ఘనవిజయం సాధించగా, 2026లో వచ్చిన ‘వాళ 2: బయోపిక్ ఆఫ్ బిలియన్ బ్రోస్’ కూడా ప్ర‌స్తుతం థియేట‌ర్‌ల‌లో స‌క్సెస్‌ఫుల్‌గా రన్ అవుతుంది. ఈ క్రమంలో ఇప్పుడు రాబోతున్న మూడవ భాగం యువతకు, ముఖ్యంగా మహిళా ప్రేక్షకులకు సరికొత్త అనుభూతిని ఇస్తుందని చిత్ర బృందం ఆశాభావం వ్యక్తం చేస్తోంది.

 

View this post on Instagram

 

A post shared by Vipin Das (@vipindashb)