త్రివిక్రమ్‌-అల్లు అర్జున్‌ కాంబినేషన్‌లో మరో చిత్రం

సినీరంగంలో కొన్ని కాంబినేషన్స్‌ ప్రత్యేకంగా నిలుస్తుంటాయి. అందులో అగ్ర దర్శకహీరోలు త్రివిక్రమ్‌-అల్లు అర్జున్‌ కాంబో ఒకటి. వీరిద్దరి కలయిలో వచ్చిన ‘జులాయి’ ‘సన్నాఫ్‌ సత్యమూర్తి’ ‘అల వైకుంఠపురములో’ చిత్రాలు ప్రేక్షకుల్ని విశేషంగా అలరించాయి.

సినీరంగంలో కొన్ని కాంబినేషన్స్‌ ప్రత్యేకంగా నిలుస్తుంటాయి. అందులో అగ్ర దర్శక హీరోలు త్రివిక్రమ్‌-అల్లు అర్జున్‌ కాంబో ఒకటి. వీరిద్దరి కలయిలో వచ్చిన ‘జులాయి’ ‘సన్నాఫ్‌ సత్యమూర్తి’ ‘అల వైకుంఠపురములో’ చిత్రాలు ప్రేక్షకుల్ని విశేషంగా అలరించాయి. ఫ్యామిలీ ఎమోషన్స్‌, వినోదం కలబోతగా అందరిని ఆకట్టుకున్నాయి. వీరిద్దరి కలయిలో మరో చిత్రం రాబోతున్న విషయం తెలిసిందే. సోమవారం ఈ చిత్రాన్ని అధికారికంగా ప్రకటించారు.

గత మూడు చిత్రాలను తెరకెక్కించిన హారిక అండ్‌ హాసిని క్రియేషన్స్‌ సంస్థ గీతా ఆర్ట్స్‌తో కలిసి ఈ తాజా సినిమాను నిర్మించబోతున్నది. ఈ సందర్భంగా విడుదల చేసిన అనౌన్స్‌మెంట్‌ వీడియోలో గత చిత్రాలకు మించి అంతర్జాతీయ స్థాయిలో ఈ సినిమాను తెరకెక్కించబోతున్నామని నిర్మాణ సంస్థ పేర్కొంది. ఈ చిత్రానికి సంబంధించిన నటీనటులు, సాంకేతిక నిపుణుల వివరాలను త్వరలో వెల్లడించనున్నారు.