సిద్ధుగాడి ప్రేమకథ

మనోజ్‌కుమార్‌, మోహన సిద్ధి, శృతి శంకర్‌ ప్రధానపాత్రధారులుగా రూపొందుతున్న యువతరం ప్రేమకథ ‘సిద్ధుగాడి లవ్‌స్టోరీ’. రమేశ్‌ చెరుకూరు దర్శకుడు.

మనోజ్‌కుమార్‌, మోహన సిద్ధి, శృతి శంకర్‌ ప్రధానపాత్రధారులుగా రూపొందుతున్న యువతరం ప్రేమకథ ‘సిద్ధుగాడి లవ్‌స్టోరీ’. రమేశ్‌ చెరుకూరు దర్శకుడు. సావిత్రమ్మ నిర్మాత. ఈ సినిమా ట్రైలర్‌ లాంచ్‌ ఈవెంట్‌ హైదరాబాద్‌లో ఘనంగా జరిగింది. ప్రముఖ దర్శకులు ఏ.కోదండరామిరెడ్డి, బి.గోపాల్‌, వీఎన్‌ ఆదిత్య, వి.సముద్ర, రామ్‌ప్రసాద్‌, నిర్మాతలు వి.దామోదరప్రసాద్‌, అశోక్‌కుమార్‌, టి.ప్రసన్నకుమార్‌ ఈ కార్యక్రమానికి అతిథులుగా విచ్చేసి చిత్రబృందానికి శుభాకాంక్షలు అందించారు. సందేశంతో కూడిన ఈ ప్రేమకథ ప్రేక్షకులను తప్పక ఆకట్టుకుంటుందని, త్వరలోనే విడుదల తేదీని ప్రకటిస్తామని దర్శకుడు రమేశ్‌ చెరుకూరు చెప్పారు. సొంతూరిని వదిలి, దూరప్రాంతాలకు వెళ్లిన వారి జీవితాలకు ఈ కథ మరింత దగ్గరగా ఉంటుందని హీరో మోహనసిద్ధి అన్నారు. ఈ కార్యక్రమంలో చిత్ర యూనిట్‌ సభ్యులందరూ పాల్గొన్నారు. ఈ చిత్రానికి మాట లు: మొండెం శ్రీధర్‌, కెమెరా: దోసడ యాదగిరి, సంగీతం: ఆదిత్య.