Tom Cruise | 2 వేల అడుగుల ఎత్తులో డెడ్లీ స్టంట్‌.. డూప్ లేకుండా చేసిన హాలీవుడ్ హీరో

Tom Cruise | హాలీవుడ్ స్టార్ హీరో టామ్ క్రూయిజ్.. తన హిట్ ఫ్రాంచైజీ ‘మిషన్ ఇంపాజిబుల్’ నిజంగానే నమ్మలేని స్టంట్స్ చేస్తున్నాడు. ఈ ఫ్రాంచైజీలో ఇప్పటి వరకూ వచ్చిన సినిమాలన్నీ బ్లాక్‌బస్టర్‌లుగానే నిలిచాయి.

హాలీవుడ్ స్టార్ హీరో టామ్ క్రూయిజ్.. తన హిట్ ఫ్రాంచైజీ ‘మిషన్ ఇంపాజిబుల్’ నిజంగానే నమ్మలేని స్టంట్స్ చేస్తున్నాడు. ఈ ఫ్రాంచైజీలో ఇప్పటి వరకూ వచ్చిన సినిమాలన్నీ బ్లాక్‌బస్టర్‌లుగానే నిలిచాయి. ఈ క్రమంలో ‘మిషన్ ఇంపాజిబుల్ 8’కు టామ్‌ శ్రీకారం చుట్టాడు. ఈ సినిమా కోసం అసాధ్యమైన ఫీట్ చేశాడు.

గాల్లో ఎగురుతున్న విమానం రెక్క పట్టుకొని తలకిందులుగా వేలాడాడు. సాధారణంగా స్టార్ హీరోలు ఇలాంటి స్టంట్స్ చేయరు. వాళ్ల డూప్స్ చేస్తారు. అయితే 59 ఏళ్ల టామ్ మాత్రం తన సినిమా కోసం ఈ స్టంట్ స్వయంగా చేశాడు. రెండు వేల అడుగుల ఎత్తులో విమానం ఎగురుతుండగా.. దాని కాక్‌పిట్‌లో నుంచి బయటకు వచ్చి విమానం రెక్కపై కూర్చున్నాడు.

ఆ వెంటనే తలకిందులుగా వేలాడాడు. ఆ సమయంలోనే పైలట్‌ ఆ విమానాన్ని పల్టీ కొట్టించాడు. దీంతో టామ్ క్రూయిజ్.. తలకిందులైన విమానం రెక్కపై కూర్చున్నట్లు కనిపిస్తోంది. ఈ స్టంట్‌కు సంబంధించిన ఫొటోలు ప్రస్తుతం నెట్టింట వైరల్‌ అవుతున్నాయి.