Chiranjeevi | ఎడిట‌ర్ గౌత‌మ్ రాజు కుటుంబానికి చిరంజీవి ఆర్థిక సాయం

పాపుల‌ర్ సినిమా ఎడిట‌ర్ గౌత‌మ్ రాజు (Gautham Raju) మృతిపట్ల టాలీవుడ్ న‌టులు చిరంజీవి (Chiranjeevi), బాల‌కృష్ణ‌, ద‌ర్శ‌కనిర్మాత త‌మ్మారెడ్డి భ‌ర‌ద్వాజ (Tammareddy Bharadwaja) తీవ్ర దిగ్బ్రాంతి వ్య‌క్తం చేశారు. గౌత‌మ్ రాజుతో చిర‌కాల అనుబంధం ఉన్న చిరంజీవి ఆయ‌న కుటుంబానికి త‌క్ష‌ణ సాయం ప్ర‌క‌టించారు.

గ‌త కొంత‌కాలంగా అనారోగ్యంతో బాధ‌ప‌డుతున్న పాపుల‌ర్ సినిమా ఎడిట‌ర్ గౌత‌మ్ రాజు (Gautham Raju) హైద‌రాబాద్‌లోని నివాసంలో తుదిశ్వాస విడిచిన విష‌యం తెలిసిందే. ఆయ‌న మృతిపట్ల టాలీవుడ్ న‌టులు చిరంజీవి (Chiranjeevi), బాల‌కృష్ణ‌, ద‌ర్శ‌కనిర్మాత త‌మ్మారెడ్డి భ‌ర‌ద్వాజ (Tammareddy Bharadwaja)తోపాటు ప‌లువురు సినీ రంగ ప్ర‌ముఖులు తీవ్ర దిగ్బ్రాంతి వ్య‌క్తం చేశారు. ఆయ‌న ఆత్మ‌కు శాంతి చేకూరాల‌ని ఆ భ‌గ‌వంతుడిని ప్రార్థించారు.

గౌత‌మ్ రాజు కుటుంబసభ్యులకు ప్రగాఢ సానుభూతి తెలిపారు. గౌత‌మ్ రాజుతో చిర‌కాల అనుబంధం ఉన్న చిరంజీవి త‌క్ష‌ణ సాయంగా ఆయ‌న కుటుంబానికి రూ.2 ల‌క్ష‌లు ప్ర‌క‌టించారు. ఈ మేర‌కు గౌత‌మ్ రాజు కుటుంబానికి చిరంజీవి త‌ర‌పున త‌మ్మారెడ్డి భ‌రద్వాజ రూ.2 ల‌క్ష‌లు అంద‌జేశారు. గౌత‌మ్ రాజు కుటుంబానికి అండ‌గా ఉంటాన‌ని చిరంజీవి భ‌రోసానిచ్చారు.

చిరంజీవి న‌టించిన చాలా సినిమాల‌కు గౌత‌మ్ రాజు ఎడిట‌ర్‌గా ప‌నిచేశారు. ఇవాళ సాయంత్రం గౌత‌మ్ రాజు అంత్య‌క్రియ‌లు నిర్వ‌హించ‌నున్న‌ట్టు తెలుస్తోంది.

Read Also : ప్రముఖ సినిమా ఎడిటర్‌ గౌతమ్‌ రాజు కన్నుమూత

 

Read Also : గౌతమ్‌రాజు మృతిపట్ల చిరంజీవి, బాలకృష్ణ దిగ్భ్రాంతి