Bimbisara Movie | బింబిసారుడిపై పుష్ప రాజ్ ప్ర‌శంస‌లు.. బన్నీ ట్వీట్ వైర‌ల్‌

Allu Arjun Praises Bimbisara Team | ప్ర‌స్తుతం టాలీవుడ్‌లో బింబిసారుడి హవా కొన‌సాగుతుంది. శుక్ర‌వారం విడుద‌లైన ఈ చిత్రం మొద‌టి షో నుండి పాజిటీవ్ టాక్ తెచ్చుకుని బాక్సాఫీస్ ద‌గ్గ‌ర వ‌సూళ్ళ ప్ర‌భంజ‌నం సృష్టిస్తుంది. ప‌టాస్ త‌ర్వాత దాదాపే ఏడెళ్ళకు క‌ళ్యాణ్‌రామ్‌కు ఆ స్థాయిలో బింబిసార విజ‌యం సాధించింది. అంతేకాకుండా ఈ చిత్రం క‌ళ్యాణ్‌రామ్ కెరీర్‌లోనే బిగ్గెస్ట్ ఓపెనింగ్స్‌ను తీసుకొచ్చింది. కేవ‌లం రెండు రోజుల్లోనే ఈ చిత్రం సుమారు రూ.13 కోట్ల‌కు పైగా క‌లెక్ష‌న్‌ల‌ను సాధించింది. ఆదివారంతో ఈ చిత్రం బ్రేక్ ఈవెన్‌ను పూర్తి చేసుకుని లాభాల బాట ప‌ట్ట‌నుంది. ఈ చిత్రంలో బింబిసారుడిగా కళ్యాణ్‌రామ్ న‌ట‌న వ‌ర్ణ‌నాతీతం. స్క్రీన్ ప్ర‌జెన్స్‌, డైలాగ్ డెలివ‌రీ ప్రేక్ష‌కుల‌ను విపరీతంగా ఆక‌ట్టుకున్నాయి. ఈ మూవీ విజ‌యంపై ప‌లువురు సినీ సెల‌బ్రెటీలు సోష‌ల్ మీడియాలో అభినంద‌న‌లు తెలుపుతున్నారు. తాజాగా అల్లుఅర్జున్ చిత్ర‌బృందాన్ని ట్విట్ట‌ర్‌లో అభినందించాడు.

లేట‌స్ట్‌గా అల్లుఅర్జున్ ఈ చిత్రాన్ని వీక్షించి సోష‌ల్ మీడియా ద్వారా మేక‌ర్స్‌ను అభినందించాడు. ‘బింబిసార టీమ్‌కు బిగ్ కంగ్రాట్స్. ఇది ఒక‌ ఇంట్రెస్టింగ్ అండ్ ఎంగేజింగ్‌ ఫాంట‌సీ చిత్రం. కళ్యాణ్‌రామ్ గారు ఈ చిత్రంలో అద్భుతంగా న‌టించారు. ఎప్పుడూ ఇండ‌స్ట్రీకి కొత్త టాలెంట్‌ను ప‌రిచ‌యం చేస్తున్నందుకు, కొత్త త‌ర‌హా సినిమాల‌ను చేస్తున్నందుకు ఆయ‌నంటే నాకు చాలా గౌరవం. డెబ్యూ ద‌ర్శ‌కుడు వ‌శిష్ఠ ఈ చిత్రాన్ని చ‌క్క‌గా హ్యాండిల్ చేశాడు. ఈ చిత్రానికి ప‌నిచేసిన కీర‌వాణి గారు, కేథ‌రీన్ ట్రేసా, సంయుక్త మీన‌న్‌లకు అభినంద‌న‌లు. ప్రతీ వయసు వారికి బింబిసార ఒక ఎంటర్‌టైన్మెంట్’అంటూ బింబిసార టీమ్‌ను అభినందించాడు.

I appreciate the debut dir @DirVassishta for handling it well . Commendation to all the technicians & artists . @mmkeeravaani garu @CatherineTresa1 @iamsamyuktha_ . @NTRArtsOfficial . Bimbisara : An entertainment for all age groups

— Allu Arjun (@alluarjun) August 7, 2022