Tillu Square | లిల్లీకి పడిపోయిన టిల్లుగాడు.. ‘టిల్లు స్క్వేర్’ నుంచి ‘రాధిక’ సాంగ్ రిలీజ్

Tillu Square | టాలీవుడ్ న‌టుడు సిద్దు జొన్నలగడ్డ (Siddu Jonnalagadda) టైటిల్‌ రోల్‌లో నటిస్తున్న బ్లాక్ బ‌స్ట‌ర్ సీక్వెల్‌ ప్రాజెక్ట్‌ టిల్లు 2 (Tillu Square)‌. డోనరుడా ఫేం మల్లిక్‌రామ్ (Mallik Ram)‌ దర్శకత్వం వహిస్తున్న ఈ చిత్రంలో అనుపమ పరమేశ్వరన్‌ ఫీ మేల్ లీడ్ రోల్‌లో నటిస్తోంది.

Tillu Square | టాలీవుడ్ న‌టుడు సిద్దు జొన్నలగడ్డ (Siddu Jonnalagadda) టైటిల్‌ రోల్‌లో నటిస్తున్న బ్లాక్ బ‌స్ట‌ర్ సీక్వెల్‌ ప్రాజెక్ట్‌ టిల్లు 2 (Tillu Square)‌. డోనరుడా ఫేం మల్లిక్‌రామ్ (Mallik Ram)‌ దర్శకత్వం వహిస్తున్న ఈ చిత్రంలో అనుపమ పరమేశ్వరన్‌ ఫీ మేల్ లీడ్ రోల్‌లో నటిస్తోంది. ఈ మూవీని సితార ఎంటర్ టైన్‌మెంట్స్ బ్యానర్‌పై నాగవంశీ తెరకెక్కిస్తున్నారు. ఇప్పటికే ఈ సినిమా నుంచి విడుదల చేసిన ఫన్‌ ట్రాక్‌ వీడియోతోపాటు ఫ‌స్ట్ సింగిల్ టికెటే కొనకుండా పాటకు మంచి స్పందన వస్తోంది. తాజాగా ఈ సినిమా నుంచి మేక‌ర్స్ రాధిక అంటూ సాగే సెకండ్ సింగిల్ విడుద‌ల చేశారు.

డీజే టిల్లు చూసినవారికి రాధిక క్యారెక్టర్ గురించి పెద్ద ప‌రిచయం అక్క‌ర్లేదు. ఈ మూవీలో హీరోయిన్ కంటే రాధిక అనే పేరే ఎక్కువ పాపుల‌ర్ అయ్యింది. అయితే టిల్లు 2 లో కూడా రాధిక ఉండ‌బోతుంది. ఎందుకంటే రాధికా పేరు మీదనే సెకండ్ సాంగ్‌ను విడుద‌ల చేశారు మేక‌ర్స్.

చెప్పు రాధిక ఏం కావాలి నీకు.. నేను నీకు ఎలా సహాయపడగలుగుతాను రాధిక. ఈసారి నా కొంప ఎట్లా ముంచబోతున్నావ్ రాధిక అంటూ టిల్లు మాట‌ల‌తో పాట మొద‌లైంది. రింగులా జుట్టు చూసి పడిపోయానే బొంగులా మాట‌లిని పడిపోయానే.. రంగుల కొంగు తాకి పడిపోయానే.. నీ గాలి సోకి నేను స‌చ్చిపోయానే రాధిక రాధిక రాధిక అంటూ ఫుల్ పార్టీ మోడ్‌లా సాగింది. ఇక కాసర్ల శ్యామ్ లిరిక్స్ అందించిన ఈ పాట‌కు రామ్ మిరియాల పాడ‌ట‌మే కాకుండా సంగీతం అందించాడు. కాగా.. ఈ మూవీ ఫిబ్రవరి 9, 2024 గ్రాండ్‌గా విడుదల కానుంది.