Malvi Malhotra | రాజ్‌ తరుణ్‌ జీవితంలో ఏం జరుగుతుందో తెలియదు.. హీరోయిన్‌ మాల్వీ మల్హోత్రా

Malvi Malhotra | హీరో రాజ్‌ తరుణ్‌ జీవితంలో ఏం జరుగుతుందో తనకు ఏమాత్రం తెలియదని.. అది ఆయన వ్యక్తిగత విషయమని హీరోయిన్‌ మాల్వీ మల్హోత్రా స్పష్టం చేశారు. తిరగబడర సామీ మూవీలో రాజ్‌ తరుణ్‌తో కలిసి నటించానని.. అంతే తప్ప వ్యక్తిగత జీవితం గురించి తెలుసుకోలేదని చెప్పింది.

Malvi Malhotra | హీరో రాజ్‌ తరుణ్‌ జీవితంలో ఏం జరుగుతుందో తనకు ఏమాత్రం తెలియదని.. అది ఆయన వ్యక్తిగత విషయమని హీరోయిన్‌ మాల్వీ మల్హోత్రా స్పష్టం చేశారు. తిరగబడర సామీ మూవీలో రాజ్‌ తరుణ్‌తో కలిసి నటించానని.. అంతే తప్ప వ్యక్తిగత జీవితం గురించి తెలుసుకోలేదని చెప్పింది. ప్రస్తుతం టాలీవుడ్‌లో హాట్‌ టాపిక్‌గా మారిన రాజ్‌ తరుణ్‌ – లావణ్య అంశంపై బాలీవుడ్‌ నటి మాల్వీ పేరు బయటకు వచ్చిన విషయం తెలిసిందే. మూవీ ప్రచారంలో భాగంగా మాల్వీ ఓ ఇంటర్వ్యూలో పాల్గొంది. ఈ సందర్భంగా ఈ అంశంపై స్పందించింది. తనపై ఆరోపణలు చేసిన లావణ్య గురించి గతంలో రాజ్‌ తరుణ్‌ తనతో ఎన్నడూ మాట్లాడలేదని చెప్పుకొచ్చింది. తనపై ఇలాంటి ఆరోపణలు వస్తాయని ఏమాత్రం ఊహించలేదంటూ ఆవేదన వ్యక్తం చేసింది.

విమర్శలను స్వీకరిస్తానని.. ఇలాంటి వ్యాఖ్యలను అస్సలు పట్టించుకోనని తెలిపింది. ప్రస్తుతం తాను సింగిల్‌ అని.. ప్రస్తుతం తన ఫోకస్‌ సినిమాలపైనే ఉందని పేర్కొంది. మూవీలే ఫస్ట్‌ లవ్‌ అనీ.. రాజ్‌ తరుణ్‌ వ్యక్తిగత జీవితం గురించి తెలియదని.. అందుకే సినిమా గురించే తాను మాట్లాడాలనుకుంటున్నానని చెప్పింది. ఇదిలా ఉండగా.. మాల్వీపై ఆరోపణలు చేసిన లావణ్యపై ఇప్పటికే పోలీసులకు ఫిర్యాదు చేసింది. తన సోదరుడికి అనుచిత సందేశాలను పంపుతోందని ఫిర్యాదులో పేర్కొంది. తనపై తప్పుడు ప్రచారం చేస్తుందంటూ ఫిలింనగర్ పోలీసులకు ఫిర్యాదు చేయగా.. కేసు నమోదు చేసుకుని దర్యాప్తు చేస్తున్నారు. రాజ్ తరుణ్ తనను మోసం చేసినట్లుగా లావణ్య అనే పోలీసులకు ఫిర్యాదు చేయగా నార్సింగి పోలీసులు కేసు నమోదు చేసి విచారణ జరుపుతున్నారు.