అక్కడే మొదలై అక్కడే ముగిసే సినిమా ఇది

‘నా అసలు పేరు రామానాయుడు గన్ని. మాది వైజాగ్‌. ఎస్‌.ఐ పరీక్ష రాసి జైళ్లశాఖలో డిప్యూటీ జైలర్‌గా సెలక్ట్‌ అయ్యాను. 2012 నుంచి 22 వరకూ పదేళ్లు ఆ జాబ్‌ చేశాను. చిన్నప్పట్నుంచీ సినిమాలంటే పిచ్చి. అందుకే ఆ జాబ్‌కి రిజైన్‌ చేసి ఇండస్ట్రీకి వచ్చాను.

‘నా అసలు పేరు రామానాయుడు గన్ని. మాది వైజాగ్‌. ఎస్‌.ఐ పరీక్ష రాసి జైళ్లశాఖలో డిప్యూటీ జైలర్‌గా సెలక్ట్‌ అయ్యాను. 2012 నుంచి 22 వరకూ పదేళ్లు ఆ జాబ్‌ చేశాను. చిన్నప్పట్నుంచీ సినిమాలంటే పిచ్చి. అందుకే ఆ జాబ్‌కి రిజైన్‌ చేసి ఇండస్ట్రీకి వచ్చాను. జాబ్‌ మానేసి సినిమాల్లోకెళ్తానంటే ఎవరూ ఒప్పుకోరు. కానీ నా కుటుంబసభ్యులు నన్ను ప్రోత్సహించారు. ఇక్కడికొచ్చాక ‘సవారి’ అనే సినిమాకు డైరెక్షన్‌ డిపార్ట్‌మెంట్‌లో పనిచేశాను. అప్పుడే ఈ ‘ది ట్రయల్‌’ కథ రాసుకున్నాను’ అని దర్శకుడు రామ్‌ గన్ని అన్నారు.

ఆయన దర్శకత్వంలో రూపొందిన చిత్రం ‘ది ట్రయల్‌’. స్పందన పల్లి, యుగ్‌రామ్‌, వంశీ కోటు ప్రధానపాత్రధారులు. స్మృతి సాగి, శ్రీనివాసనాయుడు కిల్లాడ నిర్మాతలు. ఈ నెల 24న ఈ చిత్రం విడుదల కానుంది.

ఈ సందర్భంగా దర్శకుడు రామ్‌ గన్నీ విలేకరులతో మాట్లాడారు. ‘జైలు అధికారిగా నా ఉద్యోగజీవితంలో చాలామంది నేరస్తుల కథలను విన్నాను. వాటి ప్రేరణతోనే ఈ కథ రాసుకున్నాను. ఇదో ఫిక్షనల్‌ స్టోరీ. ఇప్పటిదాకా మన సినిమాల్లో ఇంటరాగేషన్‌ సీన్స్‌ ఉన్నాయిగానీ మొత్తం సినిమా అంతా ఇంటరాగేషన్‌ మీద లేదు.

‘ది ట్రయల్‌’ సినిమా ఇంటరాగేషన్‌ రూమ్‌నుంచి కథ మొదలై, అదే రూమ్‌లో ముగుస్తుంది’ అని చెప్పారు. ఓ హత్య చుట్టూ ఈ సినిమా కథ తిరుగుతుందని, ఒక మహిళా ఎస్‌ఐని ఇంటరాగేషన్‌ ఆఫీసర్‌ ఇంటరాగేట్‌ చేస్తే వారిమధ్య సంభాషణ ఎంత డీప్‌గా ఉంటుందో ఈ సినిమాలో చూస్తారని, సాంకేతికంగా ఉన్నతంగా ఈ సినిమా ఉంటుందని, త్వరలో మరిన్ని కొత్త ప్రాజెక్టులతో ముందుకొస్తానని ఆయన అన్నారు.