‘ది ప్యారడైజ్‌’ టికెట్‌ ధరల పెంపు స్పెషల్‌ ప్రీమియర్‌కీ గ్రీన్‌ సిగ్నల్‌

ఈ నెల 24న విడుదల కానున్న అగ్ర కథానాయకుడు నాని పాన్‌ ఇండియా చిత్రం ‘ది ప్యారడైజ్‌'కి టికెట్‌ ధరలను పెంచుకునేందుకు రాష్ట్ర ప్రభుత్వం నుంచి అనుమతి లభించింది. అంతేకాదు, సెప్టెంబర్‌ 23 సాయంత్రం 6.30 నిమిషాలకు ఈ సినిమా ప్రీమియర్‌కు కూడా అధికారులు గ్రీన్‌ సిగ్నల్‌ ఇచ్చారు. ఈ స్పెషల్‌ ప్రీమియర్‌ టికెట్‌ ధరను జీఎస్టీతో కలిపి రూ.500గా నిర్ణయించారు.

ఈ నెల 24న విడుదల కానున్న అగ్ర కథానాయకుడు నాని పాన్‌ ఇండియా చిత్రం ‘ది ప్యారడైజ్‌’కి టికెట్‌ ధరలను పెంచుకునేందుకు రాష్ట్ర ప్రభుత్వం నుంచి అనుమతి లభించింది. అంతేకాదు, సెప్టెంబర్‌ 23 సాయంత్రం 6.30 నిమిషాలకు ఈ సినిమా ప్రీమియర్‌కు కూడా అధికారులు గ్రీన్‌ సిగ్నల్‌ ఇచ్చారు. ఈ స్పెషల్‌ ప్రీమియర్‌ టికెట్‌ ధరను జీఎస్టీతో కలిపి రూ.500గా నిర్ణయించారు.

ఇక సింగిల్‌ స్క్రీన్‌ థియేటర్లలో ఈ నెల 24 నుంచి 27 వరకూ ప్రస్తుత టికెట్‌ ధరకు అదనంగా జీఎస్టీతో కలిపి రూ.48, అదే తేదీల్లో మల్టీప్లెక్సుల్లో రూ.94 పెంచుకునేందుకు వెసులుబాటు కల్పించారు. రోజుకు ఐదు షోలు ప్రదర్శించేందుకు కూడా అనుమతినిచ్చారు. ఈ సందర్భంగా తెలుగు ఫిల్మ్‌ ఇండస్ట్రీ ఎంప్లాయిస్‌ వెల్ఫేర్‌ కమిటీకి సదరు చిత్ర నిర్మాణ సంస్థ శ్రీలక్ష్మీ వెంకటేశ్వర సినిమాస్‌ ఎల్‌ఎల్‌పీ.. ప్రభుత్వ నిర్ణయం ప్రకారం కోటి రూపాయలను అందజేసినట్టు తెలిసింది.