తేజేశ్వర్ కథానాయకుడిగా నటిస్తూ దర్శకత్వం వహిస్తున్న చిత్రం ‘మిషన్ 1000’. సుహాసిని నిర్మాత. తెలుగు, హిందీ భాషల్లో రూపొందించిన ఈ సినిమా చిత్రీకరణ పూర్తయింది. ఈ చిత్ర ఫస్ట్లుక్ను నిర్మాత అభిషేక్ అగర్వాల్ ఆవిష్కరించారు. ‘వినూత్నమైన కథాంశంతో ఈ చిత్రాన్ని తెరకెక్కించాం, రొమాంటిక్ ఎంటర్టైనర్గా ఆకట్టుకుంటుంది.
కథలోని మలుపులు ఉత్కంఠను పంచుతాయి’ అన్నారు. ఈ సినిమాలో రాముడిపై చిత్రీకరించిన పాటను త్వరలో విడుదల చేస్తామని, రిలీజ్ తేదీని ప్రకటిస్తామని నిర్మాత తెలిపింది. ప్రగ్య నయన్, కబీర్సింగ్, జయప్రకాష్ తదితరులు నటిస్తున్న ఈ చిత్రానికి కెమెరా: మహేందర్ ఎస్, సంగీతం: శ్రీధర్ ఆత్రేయ, కథ, స్క్రీన్ప్లే, దర్శకత్వం: తేజేశ్వర్.