స్వీయానుభవాలతో రాసుకున్న కథ

నవదీప్‌ హీరోగా రూపొందుతున్న చిత్రం ‘లవ్‌ మౌళి’. పంఖురి గిద్వానీ, భావన సాగి కథానాయికలు. అవనీంద్ర దర్శకుడు. నైరా క్రియేషన్స్‌, శ్రీకర స్టూడియోస్‌, సీ స్పేస్‌ సంస్థలు కలిసి ఈ చిత్రాన్ని నిర్మిస్తున్నాయి. ఈ సినిమా టీజర్‌ను సోమవారం హైదరాబాద్‌లో విడుదల చేశారు. ‘జీవితంలో మనం చాలా చేయాలనుకుంటాం. కానీ జరిగేది వేరు.

నవదీప్‌ హీరోగా రూపొందుతున్న చిత్రం ‘లవ్‌ మౌళి’. పంఖురి గిద్వానీ, భావన సాగి కథానాయికలు. అవనీంద్ర దర్శకుడు. నైరా క్రియేషన్స్‌, శ్రీకర స్టూడియోస్‌, సీ స్పేస్‌ సంస్థలు కలిసి ఈ చిత్రాన్ని నిర్మిస్తున్నాయి. ఈ సినిమా టీజర్‌ను సోమవారం హైదరాబాద్‌లో విడుదల చేశారు. ‘జీవితంలో మనం చాలా చేయాలనుకుంటాం. కానీ జరిగేది వేరు. అందుకు నా జీవితమే ఉదాహరణ. లాక్‌డౌన్‌ నేనేంటో నాకు చెప్పింది. ఆ టైమ్‌లోనే ఈ కథ విన్నాను. ఇదే నేను చేయాల్సిన సినిమా అనిపించింది. కచ్చితంగా నా కెరీర్‌లోనే బెస్ట్‌ సినిమా అవుతుంది’ అని నవదీప్‌ నమ్మకం వెలిబుచ్చారు. దర్శకుడు మాట్లాడుతూ ‘నా జీవితంలో నేను చూసిన ప్రేమకథల ఫలితమే ఈ సినిమా. స్వీయ అనుభవాలతో ఈ కథ రాసుకున్నా’ అన్నారు. ప్రేమ గురించి నిజాయితీగా, బ్యూటిఫుల్‌గా చెప్పిన ప్రేమకథ ఇదని కథానాయిక పంఖురి గిద్వానీ పేర్కొన్నది. ఇంకా చిత్ర యూనిట్‌ సభ్యులందరూ మాట్లాడారు. మిర్చి హేమంత్‌, మిర్చి కిరణ్‌ ఇతర పాత్రలు పోషిస్తున్న ఈ చిత్రానికి రచన, దర్శకత్వం, కెమెరా, ఎడిటింగ్‌ : అవనీంద్ర, సంగీతం: గోవింద్‌ వసంత, పాటలు: అనంతశ్రీరామ్‌.