Thalapathy Vijay | షారుఖ్ ఖాన్ నా రోల్ మోడల్ : ద‌ళ‌పతి విజయ్

ShahRukhKhan | బాలీవుడ్ బాద్‌షా షారుఖ్ ఖాన్ త‌న‌కు రోల్ మోడ‌ల్ లాంటివార‌ని తెలిపాడు తమిళ స్టార్ హీరో, తమిళగ వెట్రి కళగం (TVK) అధినేత ద‌ళ‌పతి విజయ్.

Thalapathy Vijay | బాలీవుడ్ బాద్‌షా షారుఖ్ ఖాన్ త‌న‌కు రోల్ మోడ‌ల్ లాంటివార‌ని తెలిపాడు తమిళ స్టార్ హీరో, తమిళగ వెట్రి కళగం (TVK) అధినేత ద‌ళ‌పతి విజయ్. చెన్నై వేదికగా జరిగిన ఒక ప్రత్యేక మీడియా సమావేశంలో విజ‌య్ మాట్లాడుతూ.. త‌న రాజ‌కీయ ప్ర‌స్థానంతో పాటు జ‌ననాయ‌గ‌న్ విడుద‌ల వివాదం, త‌న రోల్ మోడ‌ల్ గురించి స్పందించాడు.

షారుఖ్ అంటే త‌న‌కి ఇష్ట‌మ‌ని చెప్పిన విజ‌య్.. అత‌డిపై ప్రశంసల జల్లు కురిపించారు. షారుఖ్ ఖాన్ మాట్లాడే తీరు, ఆయన వ్యక్తిత్వం తనను ఎంతగానో ప్రభావితం చేశాయని, అందుకే ఆయన్ని తన రోల్ మోడల్‌గా భావిస్తానని స్పష్టం చేశారు. ఇక గతంలో ‘జవాన్’ సినిమా షూటింగ్ సమయంలో వీరిద్దరూ కలిసి దిగిన ఫోటోలు సామాజిక మాధ్యమాల్లో ఎంతటి సంచలనం సృష్టించాయో అందరికీ తెలిసిందే.

హెచ్. వినోద్ దర్శకత్వంలో తెరకెక్కుతున్న ‘జన నాయగన్’ చిత్రం విజయ్ కెరీర్‌లో 69వ మరియు చివరి చిత్రం కావడం విశేషం. అనిరుధ్ రవిచందర్ సంగీతం అందిస్తున్న ఈ పొలిటికల్ యాక్షన్ డ్రామాలో పూజా హెగ్డే, బాబీ డియోల్, మమితా బైజు, ప్రకాష్ రాజ్ వంటి భారీ తారాగణం నటిస్తున్నారు. ఈ సినిమా 2023 నాటి తెలుగు హిట్ చిత్రం ‘భగవంత్ కేసరి’కి రీమేక్. ఇందులో విజయ్ ‘ద‌ళ‌పతి వెట్రి కొండన్’ అనే శక్తివంతమైన ఐపీఎస్ అధికారి పాత్రలో కనిపిస్తారని సమాచారం. రాజకీయాల్లోకి పూర్తిస్థాయిలో వెళ్లే ముందు వస్తున్న ఈ చివరి చిత్రం కోసం అభిమానులు వెయ్యి కళ్లతో ఎదురుచూస్తున్నారు.