కరోనా నుంచి కోలుకున్నా: అనిల్ రావిపూడి

అనిల్ రావిపూడి ఇటీవల నివేదా థామస్, దిల్ రాజు, పవన్ కళ్యాణ్, అల్లు అర్జున్, పూజా హెగ్డే తదితరులకు కరోనా సోకగా.. తాజాగా అనిల్ రావిపూడి కూడా ఈ వైరస్ బారిన పడి కోలుకున్నట్టు తాజాగా వెలుగులోకి వచ్చింది.

April 28, 2021 / 06:35 PM IST

కరోనా సెకండ్ వేవ్‌లో సినీ ఇండస్ట్రీకి చెందిన చాలామంది కొవిడ్19 బారిన పడుతున్నారు. ఇటీవల నివేదా థామస్, దిల్ రాజు, పవన్ కళ్యాణ్, అల్లు అర్జున్, పూజా హెగ్డే తదితరులకు కరోనా సోకగా.. తాజాగా అనిల్ రావిపూడి కూడా ఈ వైరస్ బారిన పడి కోలుకున్నట్టు తాజాగా వెలుగులోకి వచ్చింది. ఈ విషయాన్ని ఆయనే స్వయంగా ధ్రువీకరించాడు.

ఏప్రిల్ 13న అనిల్ రావిపూడికి కరోనా పాజిటివ్‌గా నిర్ధరణ అయింది. దీంతో వైద్యుల సూచన మేరకు తగు జాగ్రత్తలు తీసుకుంటూ సెల్ఫ్ ఐసోలేషన్‌లో ఉన్నారు. 15 రోజుల అనంతరం తాజాగా ఇవాళ మళ్లీ కరోనా పరీక్షలు చేయించుకోగా నెగిటివ్ వచ్చింది. దీంతో ఇప్పుడు అసలు విషయాన్ని అందరికీ చెప్పాడు అనిల్ రావిపూడి. కరోనా సోకి దాని నుంచి కోలుకున్నట్టు ట్విటర్ ద్వారా పేర్కొన్నారు.