దుష్టశిక్షణలో శివం భజే

అశ్విన్‌ కథానాయకుడిగా నటిస్తున్న తాజా చిత్రం ‘శివం భజే’. అప్సర్‌ దర్శకత్వం వహిస్తున్న ఈ చిత్రాన్ని మహేశ్వర్‌ రెడ్డి మూలి నిర్మిస్తున్నారు. బుధవారం టీజర్‌ను విడుదల చేశారు.

అశ్విన్‌ కథానాయకుడిగా నటిస్తున్న తాజా చిత్రం ‘శివం భజే’. అప్సర్‌ దర్శకత్వం వహిస్తున్న ఈ చిత్రాన్ని మహేశ్వర్‌ రెడ్డి మూలి నిర్మిస్తున్నారు. బుధవారం టీజర్‌ను విడుదల చేశారు. హీరో అశ్విన్‌ ఏదో మానసిక సమస్యతో బాధపడుతున్నట్లు చూపించే సన్నివేశాలతో మొదలైన టీజర్‌ ఆద్యంతం ఉత్కంఠగా సాగింది. కొన్ని అనూహ్య సంఘటనల వెనక దైవం ఉందని తెలియజేయడం, హీరో రౌద్ర రూపాన్ని ధరించి రౌడీలను అంతం చేయడం, చివరగా శివుడి దర్శనంతో టీజర్‌ను ఆసక్తికరంగా ముగించారు. యాక్షన్‌, థ్రిల్లింగ్‌ అంశాలు కలబోసిన డివోషనల్‌ మూవీ ఇదని, గ్రాఫిక్స్‌ ప్రధానాకర్షణగా ప్రేక్షకుల్ని ఆకట్టుకుంటుందని దర్శకుడు తెలిపారు. ప్రతిభావంతులైన సాంకేతిక నిపుణులతో ఈ సినిమాను తెరకెక్కించామని, ప్రేక్షకులకు సరికొత్త విజువల్‌ ఎక్స్‌పీరియన్స్‌ అందిస్తుందని, జూలైలో విడుదల చేయడానికి సన్నాహాలు చేస్తున్నామని నిర్మాత మహేశ్వర్‌ రెడ్డి మూలి తెలిపారు. సస్పెన్స్‌, థ్రిల్లర్‌, యాక్షన్‌, కామెడీ అంశాలు కలబోసిన పర్‌ఫెక్ట్‌ మూవీ ఇదని హీరో అశ్విన్‌ బాబు తెలిపారు. ఈ చిత్రానికి కెమెరా: దాశరథి శివేంద్ర, సంగీతం: వికాస్‌ బడిస, ప్రొడక్షన్‌ డిజైనర్‌: సాహి సురేష్‌, దర్శకత్వం: అప్సర్‌.