ఆంజనేయుడి భక్తుడిగా నిఖిల్‌

హనుమాన్‌'కు విశేష ప్రేక్షకాదరణ లభించింది. ఇండియన్‌ సూపర్‌ మాన్‌గా తెరకెక్కిన ఈ సినిమా సగటు ప్రేక్షకుల అభిమానాన్ని చూరగొన్నది.

‘హనుమాన్‌’కు విశేష ప్రేక్షకాదరణ లభించింది. ఇండియన్‌ సూపర్‌ మాన్‌గా తెరకెక్కిన ఈ సినిమా సగటు ప్రేక్షకుల అభిమానాన్ని చూరగొన్నది. ఈ నేపథ్యంలో రాబోయే పాన్‌ ఇండియా సినిమాల్లో ఆంజనేయుడి రిఫరెన్స్‌ ఉండటం కాకతాళీయమే అనిపిస్తోంది. నిన్న చిరంజీవి ‘విశ్వంభర’లో ఏకంగా పెద్ద అంజనీ పుత్రుడి విగ్రహాన్ని చూపించడం ద్వారా కథలో కీలకం కానున్నాడని చెప్పకనే చెప్పారు. మెగాస్టార్‌ చిరంజీవి హనుమకు పరమ భక్తుడు అయినందువల్ల హనుమంతుడి సన్నివేశాలకు ప్రాధాన్యం ఉండటమనేది సహజమే. తాజాగా ఈ జాబితాలో మరో సినిమా చేరింది. ‘స్వయంభు’లో తాను హనుమంతుడి భక్తుడిగా నటిస్తున్నట్లు ఆ చిత్ర కథానాయకుడు నిఖిల్‌ స్వయంగా ప్రకటించడం ద్వారా ముఖ్యమైన క్లూ ఇచ్చేశాడు. ఇతిహాసాల నేపథ్యంలో భరత్‌ కృష్ణమాచారి దర్శకత్వంలో రూపొందుతున్న ఎపిక్‌ డ్రామా ఇది. ‘స్వయంభు’ వచ్చే దసరా లేదా దీపావళికి విడుదలకు ప్రయత్నిస్తున్నారు. ‘కేజీఎఫ్‌’, ‘సలార్‌’ ఫేమ్‌ రవి బస్రూర్‌ సంగీతం సమకూరుస్తున్న ఈ సినిమాకు సంబంధించి క్యాస్టింగ్‌ను ఇంకా ప్రకటించలేదు. నిఖిల్‌ హీరోగా రామ్‌చరణ్‌ నిర్మిస్తున్న ‘ది ఇండియా హౌస్‌’ మీద కూడా భారీ అంచనాలు నెలకొన్నాయి.