సంపత్ కుమార్ హీరోగా నటిస్తూ దర్శకత్వం వహించిన సినిమా ‘సురాపానం’. ప్రగ్యా నయన్ హీరోయిన్గా నటించింది. ఈ చిత్రాన్ని అఖిల్ భవ్య క్రియేషన్స్ పతాకంపై మట్ట మధు యాదవ్ నిర్మించారు. ఫాంటసీ థ్రిల్లర్ అండ్ కామెడీ ఎంటర్టైనర్ గా తెరకెకిన ఈ సినిమా ఇటీవలే విడుదలైంది. ఈ చిత్రానికి మంచి స్పందన వస్తున్నదంటూ సక్సెస్ మీట్ను హైదరాబాద్ లో నిర్వహించారు చిత్ర బృందం. ఈ సందర్భంగా సంపత్ కుమార్ మాట్లాడుతూ…‘పెద్ద సినిమాల మధ్య ధైర్యం చేసి మా చిత్రాన్ని విడుదల చేశాం. కంటెంట్ మీదే నమ్మకం పెట్టుకున్నాం. కొత్తదనం కోరుకునే ప్రేక్షకులు మా సినిమాను ఇష్టపడుతున్నారు. ఈ వారం నుంచి థియేటర్లను కూడా పెంచుతున్నాం’ అన్నారు. ‘తెలుగు తెరకు కొత్త అమ్మాయిని అయినా టీమ్ అంతా సహకరించారు. సినిమా కోసం మేము పడిన కష్టమే ఈ విజయాన్ని అందించింది అనుకుంటున్నాను. మాకు విజయాన్ని అందించిన ప్రేక్షకులకు థాంక్స్’ అని హీరోయిన్ ప్రగ్యా నయన్ అన్నారు. ఈ కార్యక్రమంలో ఎడిటర్ జేబీ, నటులు మీసాల లక్ష్మణ్, గిరి పోతురాజ్, విద్యాసాగర్, అంజిబాబు ఇతర చిత్రబృందం పాల్గొన్నారు.