Rajinikanth | సంక్రాంతికి ‘లాల్‌ సలాం’

సూపర్‌స్టార్‌ రజనీకాంత్‌ కీలక పాత్రలో నటిస్తున్న చిత్రం ‘లాల్‌ సలాం’. విష్ణు విశాల్‌, విక్రాంత్‌ కథానాయకులు. ఐశ్వర్య రజనీకాంత్‌ దర్శకత్వం వహిస్తున్నారు.

సూపర్‌స్టార్‌ రజనీకాంత్‌ కీలక పాత్రలో నటిస్తున్న చిత్రం ‘లాల్‌ సలాం’. విష్ణు విశాల్‌, విక్రాంత్‌ కథానాయకులు. ఐశ్వర్య రజనీకాంత్‌ దర్శకత్వం వహిస్తున్నారు. లైకా ప్రొడక్షన్స్‌ సంస్థ నిర్మిస్తున్నది. ఈ చిత్రాన్ని సంక్రాంతికి విడుదల చేయబోతున్నట్లు నిర్మాణ సంస్థ ప్రకటించింది. ఈ సినిమాలో రజనీకాంత్‌ ముంబయి మాఫియా డాన్‌ మొయిద్దీన్‌ భాయ్‌గా కనిపించనున్నారు. కొద్ది రోజుల క్రితం విడుదల చేసిన ఆయన ఫస్ట్‌లుక్‌కు మంచి స్పందన లభించింది. క్రికెట్‌ నేపథ్యంలో మాఫియా ఇతివృత్తంతో ఈ చిత్రాన్ని తెరకెక్కిస్తున్నారు. క్రికెట్‌ లెజెండ్‌ కపిల్‌దేవ్‌ ఓ పాత్రను పోషించారు.

ప్రస్తుతం ఈ చిత్రానికి సంబంధించిన నిర్మాణానంతర కార్యక్రమాలు జరుగుతున్నాయి. ప్రపంచవ్యాప్తంగా భారీ స్థాయిలో విడుదల చేయబోతున్నారు. ఈ చిత్రానికి కెమెరా: విష్ణు రంగస్వామి, సంగీతం: ఏ.ఆర్‌.రెహమాన్‌, సమర్పణ: సుభాస్కరన్‌, స్క్రీన్‌ప్లే, దర్శకత్వం: ఐశ్వర్య రజనీకాంత్‌.