యద యద సవ్వడి.. నువ్వు నన్ను తాకగా..

గీత్‌ నైని, శ్రీచరణ్‌ రాచకొండ జంటగా నటిస్తున్న పల్లెటూరి నేపథ్య ప్రేమకథాచిత్రం ‘కన్యాకుమారి’. సృజన్‌ అట్టాడ స్వీయ దర్శకత్వంలో నిర్మిస్తున్న ఈ చిత్రం అన్ని కార్యక్రమాలను పూర్తి చేసుకొని విడుదలకు సిద్ధమవుతున్నది.

గీత్‌ నైని, శ్రీచరణ్‌ రాచకొండ జంటగా నటిస్తున్న పల్లెటూరి నేపథ్య ప్రేమకథాచిత్రం ‘కన్యాకుమారి’. సృజన్‌ అట్టాడ స్వీయ దర్శకత్వంలో నిర్మిస్తున్న ఈ చిత్రం అన్ని కార్యక్రమాలను పూర్తి చేసుకొని విడుదలకు సిద్ధమవుతున్నది. ప్రచారంలో భాగంగా ఈ సినిమా నుండి ‘యద యద సవ్వడి..’ అంటూ సాగే గీతాన్ని మేకర్స్‌ విడుదల చేశారు.

దర్శక, నిర్మాత సృజన్‌ అట్టాడ రాసిన ఈ పాటను రవి నిడమర్తి స్వరపరిచారు. అనురాగ్‌ కులకర్ణి, జయశ్రీ పల్లెం ఆలపించారు. హీరోహీరోయిన్ల ప్రేమను ఆవిష్కరించేలా ఈ పాట సాగింది. ఈ చిత్రానికి కెమెరా: శివ గాజుల, హరిచరణ్‌, సహనిర్మాతలు: సతీష్‌రెడ్డి, వరీనియా మామిడి, అప్పలనాయుడు అట్టాడ, సిద్ధార్థ్‌ ఎ.రచన, నిర్మాణం: రాడికల్‌ పిక్చర్స్‌.