Sreeleela | బాల‌కృష్ణ కూతురిగా ‘పెళ్లిసంద‌D’ హీరోయిన్‌..!

అనిల్ రావిపూడి (Anil Ravipudi), నంద‌మూరి బాల‌కృష్ణ (Balakrishna) కాంబినేష‌న్‌లో ఎన్‌బీకే 108 (NBK108) రాబోతున్న విష‌యం తెలిసిందే. కాగా ఎఫ్ 3 సినిమా ప్ర‌మోష‌న్స్ లో భాగంగా ఇచ్చిన ఓ ఇంట‌ర్వ్యూలో బాల‌కృష్ణ‌తో చేయ‌బోయే సినిమా గురించి ఆస‌క్తికర విష‌య‌మొక‌టి రిలీల్ చేశాడు డైరెక్ట‌ర్ అనిల్ రావిపూడి.

టాలీవుడ్ స్టార్ డైరెక్ట‌ర్ అనిల్ రావిపూడి (Anil Ravipudi), నంద‌మూరి బాల‌కృష్ణ (Balakrishna) కాంబినేష‌న్‌లో ఎన్‌బీకే 108 (NBK108) రాబోతున్న విష‌యం తెలిసిందే. గోపీచంద్ మ‌లినేనితో చేస్తున్న సినిమా పూర్త‌వ‌గానే ఈ సినిమా సెట్స్ పైకి వెళ్ల‌నున్న‌ట్టు ఫిలింన‌గ‌ర్ సర్కిల్ టాక్‌. కాగా ఎఫ్ 3 సినిమా ప్ర‌మోష‌న్స్ లో భాగంగా ఇచ్చిన ఓ ఇంట‌ర్వ్యూలో బాల‌కృష్ణ‌తో చేయ‌బోయే సినిమా గురించి ఆస‌క్తికర విష‌య‌మొక‌టి రివీల్ చేశాడు డైరెక్ట‌ర్ అనిల్ రావిపూడి.

ఈ చిత్రంలో పెళ్లిసందD ఫేం శ్రీలీల‌ (Sreeleela) కీల‌క పాత్ర‌లో న‌టిస్తుంద‌ని, ఇందులో బాల‌కృష్ణ కూతురిగా క‌నిపించ‌బోతుంద‌న్నాడు అనిల్ రావిపూడి. బాల‌కృష్ణ‌ను ఇదివ‌ర‌కెన్న‌డూ చూడ‌ని కామెడీ ట‌చ్ ఉన్న పాత్ర‌లో చూడ‌బోతున్నార‌ని చెప్పాడు. ఈ సినిమాలో బాల‌కృష్ణ యాక్టింగ్‌తో అంద‌రి అటెన్ష‌న్ త‌న‌వైపు తిప్పుకోవ‌డం గ్యారంటీ అని అన్నాడు. అయితే ‘అర్జున్‌రెడ్డి’, ‘పోకిరి’, ‘గబ్బర్‌సింగ్‌’ హీరోలను డైరెక్ట‌ర్లు చూపించిన విధంగా బాలకృష్ణను స‌రికొత్త‌గా చూపించ‌డం నాకు ఛాలెంజ్ లాంటిది. ఈ సినిమాలోపాత్ర ఆధారంగా బాల‌కృష్ణ మేన‌రిజ‌మ్ ఉండబోతుంద‌ని చెప్పాడు అనిల్ రావిపూడి.

బాల‌య్య‌లోని కామెడీ యాంగిల్ గ‌తంలో ఎన్న‌డూ చూపించ‌ని విధంగా ఈ ప్రాజెక్టులో చూపించేందుకు ప్ర‌యత్నం ఉండ‌నుంద‌ని చెప్పుకొచ్చాడు. అనిల్ డైరెక్ట‌ర్ చేస్తున్న ఎఫ్ 3 మే 27 థియేట‌ర్ల‌లో గ్రాండ్‌గా విడుద‌ల కాబోతుంది.