ముంబై : మల్టీ టాలెంటెడ్ నటి, గాయని, మాజీ వీజే సోఫీ చౌదరి టాలీవుడ్ సూపర్స్టార్ మహేష్ బాబు గురించి ఆసక్తికర వివరాలు వెల్లడించింది. మహేష్ అద్భుతమైన వ్యక్తని ఆయనతో మరోసారి నటించాలని ఉందని ఆమె వెల్లడించింది. 2014లో విడుదలైన వన్ నేనొక్కడినే మూవీలో సోఫీ చౌదరి మహేష్ బాబు సరసన నటించింది.
సుకుమార్ దర్శకత్వంలో తెరకెక్కిన ఈ మూవీలో ఓ సాంగ్లో మహేష్తో సోఫీ ఆడిపాడింది. వీరిద్దరి ఆన్స్క్రీన్ కెమిస్ట్రీ ప్రేక్షకులను ఆకట్టుకుంది. మహేష్తో పనిచేయడం ఆహ్లాదకరమని ఓ ఇంటర్వ్యూలో సోఫీ చౌదరి తెలిపింది. తాము కలిసి పనిచేసిన రోజులను ఆమె గుర్తుతెచ్చుకున్నారు. మహేష్తో కలిసి పనిచేసి పదేండ్లు అవుతున్నా ఇప్పటికీ నిన్నమొన్నలా అనిపిస్తోందని, మహేష్తో పనిచేయడం అద్భుతమైన అనుభవమని, మహేష్ సహ నటులను ఎంతో గౌరవిస్తారని సోఫీ పేర్కొంది.
వన్ మూవీ సాంగ్ను లండన్లో చిత్రీకరించారని, మహేష్తో పాట డైరెక్టర్ సుకుమార్ ఎంతో హుందాగా, సౌమ్యంగా వ్యవహరించేవారని తెలిపింది. వారితో కలిసి పనిచేయడాన్ని తాను ఆస్వాదించానని పేర్కొంది. వారితో భవిష్యత్లో ఓ పాత్రలో లేకుంటే పాటలో అయినా కలిసి పనిచేయాలని కోరుకుంటున్నానని తెలిపింది.
Read More :
Dhanush – Aishwarya | విడాకుల తర్వాత తొలిసారి భర్త గురించి మాట్లాడిన ఐశ్వర్య రజినీకాంత్