సైనికుడి సాహసం అమరన్‌

శివకార్తికేయన్‌ కథానాయకుడిగా నటిస్తున్న తాజా తమిళ చిత్రానికి ‘అమరన్‌' అనే టైటిల్‌ను ఖరారు చేశారు. రాజ్‌కుమార్‌ పెరియసామి దర్శకత్వం వహిస్తున్న ఈ చిత్రాన్ని రాజ్‌కమల్‌ ఫిల్మ్స్‌ ఇంటర్నేషనల్‌, సోనీ పిక్చర్స్‌ సంయుక్తంగా నిర్మిస్తున్నాయి.

శివకార్తికేయన్‌ కథానాయకుడిగా నటిస్తున్న తాజా తమిళ చిత్రానికి ‘అమరన్‌’ అనే టైటిల్‌ను ఖరారు చేశారు. రాజ్‌కుమార్‌ పెరియసామి దర్శకత్వం వహిస్తున్న ఈ చిత్రాన్ని రాజ్‌కమల్‌ ఫిల్మ్స్‌ ఇంటర్నేషనల్‌, సోనీ పిక్చర్స్‌ సంయుక్తంగా నిర్మిస్తున్నాయి. శనివారం హీరో శివకార్తికేయన్‌ జన్మదినం సందర్భంగా టీజర్‌ను కూడా విడుదల చేశారు.

మేజర్‌ ముకుంద్‌ వరదరాజన్‌ నిజ జీవిత సంఘటనల ఆధారంగా, ‘ఇండియన్‌ మోస్ట్‌ ఫియర్‌లెస్‌’ సిరీస్‌లో ఓ అధ్యాయంగా ఈ చిత్రాన్ని రూపొందిస్తున్నారు. హీరో శివకార్తికేయన్‌ను మునుపెన్నడూ చూడని సరికొత్త అవతారంతో ప్రజెంట్‌ చేస్తున్నామని..దేశభక్తి, యాక్షన్‌ అంశాలతో ఆకట్టుకుంటుందని దర్శకుడు తెలిపారు. ఈ వేసవిలో ఈ చిత్రాన్ని విడుదల చేయబోతున్నారు.