Singer Alfaaz | దాబాలో సింగ‌ర్‌పై దాడి..ఇంత‌కీ జ‌రిగిందంటే..!

పంజాబీ గాయకుడు అల్ఫాజ్ (Alfaaz) అలియాస్ అమ‌న్‌జోత్ సింగ్ ప‌న్వార్‌పై దాడి జ‌రిగింది. ర్యాప‌ర్ హ‌నీ సింగ్ ( Honey Singh) ఈ విష‌యాన్ని సోష‌ల్ మీడియా ద్వారా షేర్ చేస్తూ..పెద్ద ప్ర‌మాదం నుంచి బ‌య‌ట‌ప‌డ్డాడ‌ని తెలియ‌జేశాడు.

October 3, 2022 / 03:17 PM IST

Singer Alfaaz | దాబాలో సింగ‌ర్‌పై దాడి..ఇంత‌కీ జ‌రిగిందంటే..!

మొహాలీలో పంజాబీ గాయకుడు అల్ఫాజ్ (Alfaaz) అలియాస్ అమ‌న్‌జోత్ సింగ్ ప‌న్వార్‌పై దాడి జ‌రిగింది. ఈ దాడిలో గాయాలైన అల్ఫాజ్‌ను వెంట‌నే చికిత్స కోసం ఓ ప్రైవేట్ ఆస్ప‌త్రికి త‌ర‌లించారు. ర్యాప‌ర్ హ‌నీ సింగ్ ( Honey Singh) ఈ విష‌యాన్ని సోష‌ల్ మీడియా ద్వారా షేర్ చేస్తూ..పెద్ద ప్ర‌మాదం నుంచి బ‌య‌ట‌ప‌డ్డాడ‌ని తెలియ‌జేశాడు.

నా సోదరుడు అల్ఫాజ్‌పై గత రాత్రి దాడి జ‌రిగింది. ఈ దాడి ప్లాన్ చేసిన‌వారిని వ‌దిలిపెట్ట‌ను..అందరూ అల్పాజ్ కోసం ప్రార్థించండి..అంటూ ట్వీట్ చేశాడు. ఆ త‌ర్వాత ట్వీట్‌ను తొల‌గిస్తూ టెంపో ట్రావెల‌ర్ తో నిన్న రాత్రి అల్పాజ్‌పై దాడి చేసిన వ్య‌క్తిని ప‌ట్టుకున్న మొహాలీ పోలీసుల‌కు ప్ర‌త్యేక ధ‌న్య‌వాదాలు..అల్పాజ్ ఆరోగ్యం ప్ర‌స్తుతం నిల‌క‌డ‌గా ఉంది. ప్ర‌మాదం నుంచి బ‌య‌ట‌ప‌డ్డాడు..అంటూ హ‌నీ సింగ్ మ‌రో పోస్ట్ షేర్ చేశాడు.

అస‌లు ఏం జ‌రిగిందంటే..
అల్ఫాజ్ త‌న ముగ్గురు స్నేహితుల‌తో క‌లిసి మొహాలీలోని దాబా (Mohali dhaba) కు వెళ్లాడు. అయితే ఆ దాబాలో ప‌ని చేసిన ఓ మాజీ ఉద్యోగి విక్కీ త‌న య‌జ‌మాని (దాబా నిర్వాహ‌కుడు) నుంచి రావాల్సిన బ‌కాయిల విష‌యంలో అల్ఫాజ్‌ను మ‌ధ్య‌వ‌ర్తిత్వం వ‌హించాల‌ని కోరాడు. అయితే అల్ఫాజ్ అందుకు ఒప్పుకోలేదు..ఇద్ద‌రి మ‌ధ్య ఘ‌ర్ష‌ణ నెల‌కొన‌డంతో విక్కీ దాబా య‌జ‌మాని టెంపో వాహ‌నంలో పారిపోయే క్ర‌మంలో అల్ఫాజ్‌ను ఢీకొట్టాడు. ఈ ఘ‌ట‌న‌లో అల్ఫాజ్ త‌ల‌కు, కాళ్లు, చేతుల‌కు స్వ‌ల్ప‌ గాయాలయ్యాయి.