Shivaraj Kumar | మెగా పవర్ స్టార్ రామ్ చరణ్(Ramcharan), ‘ఉప్పెన’ డైరెక్టర్ బుచ్చిబాబు సాన (BuchiBabuSana) కలయికలో ఓ సినిమా రానున్న విషయం తెలిసిందే. ఇప్పటికే ఈ సినిమాకు సంబంధించిన అఫీషియల్ అనౌన్స్మెంట్ రాగా.. త్వరలోనే షూటింగ్ ప్రారంభించనున్నారు. ఇక ‘ఆర్సీ 16’ అని వస్తున్న ఈ ప్రాజెక్ట్ ఉత్తరాంధ్రలో జరిగే క్రీడా నేపథ్యంలో రానుంది. ప్రస్తుతం ఈ మూవీ ప్రీ ప్రొడక్షన్ వర్క్స్ జరుపుకుంటుండగా.. తాజాగా ఈ మూవీలో నటించేందుకు ఆసక్తి ఉన్నవారికి ఆడిషన్స్ జరుగుతున్నాయి. ఇదిలావుంటే ఈ సినిమాకు సంబంధించి ఒక సాలిడ్ న్యూస్ సోషల్ మీడియాలో చక్కర్లు కొడుతుంది.
ఈ మూవీలో కన్నడ స్టార్ హీరో శివరాజ్ కుమార్ స్పెషల్ రోల్లో నటించనున్నట్లు తెలుస్తుంది. ముందుగా ఈ రోల్ కోసం విజయ్ సేతుపతిని అనుకున్నా… శివ రాజ్ కుమార్ అయితే బాగా సెట్టవుతాడని, ఆయన్నే ఫిక్స్ చేసినట్లు తెలుస్తుంది. ఇప్పటికే ఆయనకు నెరేషన్ కూడా జరిగిపోయిందని తెలుస్తుంది. ఇలా మొత్తానికి రామ్ చరణ్-బుచ్చిబాబు కలిసి నెక్స్ట్ లెవల్ సినిమాను ప్లాన్ చేస్తున్నట్లు క్లారిటీ వచ్చేసింది. మైత్రీ సంస్థ నిర్మిస్తున్న ఈ సినిమాకు ఏ.ఆర్ రెహామాన్ స్వరాలు సమకూర్చనున్నాడు. స్పోర్ట్స్ యాక్షన్ డ్రామా నేపథ్యంలో తెరకెక్కుతున్న ఈ సినిమాలో రామ్ చరణ్ ఉత్తరాంధ్ర కుర్రాడిగా కనిపించనున్నాడు.