మహా సముద్రం 2 డేస్ కలెక్షన్స్.. చేతులెత్తేసిన శర్వానంద్ సినిమా..

October 16, 2021 / 09:34 PM IST

maha samudram two days collections | sharwanand | siddharth — maha samudram two days collections

maha samudram two days collections | శర్వానంద్, సిద్ధార్థ్ హీరోలుగా అజయ్ భూపతి తెరకెక్కించిన చిత్రం మహా సముద్రం. ఆర్ఎక్స్ 100 లాంటి సెన్సేషనల్ బ్లాక్ బస్టర్ తర్వాత మూడేళ్ల‌కు పైగా గ్యాప్ తీసుకుని ఈ సినిమాను తెరకెక్కించాడు అజయ్. భారీ అంచనాలతో విడుదలైన ఈ సినిమాకు తొలిరోజు టాక్ తేడాగా వచ్చింది. తొమ్మిదేళ్ల‌ తర్వాత సిద్ధూ నటించిన తెలుగు సినిమా ఇది. పక్కా కమర్షియల్ ఎంటర్ టైనర్ గా వచ్చిన మహా సముద్రం సినిమా ఆడియన్స్ కు కావాల్సిన కిక్ ఇవ్వలేకపోయింది. ఔట్ డేటెడ్ కథకు తోడు స్క్రీన్ ప్లే లోపాలు సినిమాకు మైనస్ అయ్యాయి అంటున్నారు ప్రేక్షకులు. అక్టోబర్ 14న మహా సముద్రం థియేటర్స్ లోకి వచ్చింది. తొలిరోజు మంచి వసూళ్లు సాధించిన ఈ సినిమా రెండో రోజు మాత్రం చేతులెత్తేసింది. ఇందులో మహా పాత్రలో అదితి రావు హైదరీ నటించింది. అను ఇమ్మాన్యుయేల్ మరో హీరోయిన్. ఈ సినిమాకు ప్రీ రిలీజ్ బిజినెస్ భారీగానే జరిగింది. శర్వానంద్ ఉన్నాడు కాబట్టి మంచి బిజినెస్ చేశారు. మరి ఈ చిత్రం మహా సముద్రం 2 డేస్ కలెక్షన్స్ చూద్దాం..

నైజాం: 1.31 కోట్లు
సీడెడ్: 0.68 కోట్లు
ఉత్తరాంధ్ర: 0.48 కోట్లు
ఈస్ట్: 0.28 కోట్లు
వెస్ట్: 0.22 కోట్లు
గుంటూరు: 0.53 కోట్లు
కృష్ణా: 0.31 కోట్లు
నెల్లూరు: 0.21 కోట్లు

ఏపీ + తెలంగాణ: 4.02 కోట్లు షేర్

రెస్ట్ ఆఫ్ ఇండియా + ఓవర్సీస్: 0.41 కోట్లు

వరల్డ్ వైడ్ 2 డేస్ కలెక్షన్స్: 4.43 కోట్లు షేర్

మహా సముద్రం చిత్రానికి రూ.16.48 కోట్ల థియేట్రికల్ బిజినెస్ జరిగింది. ఈ చిత్రం బ్రేక్ ఈవెన్ కు రూ.17 కోట్ల వరకు షేర్ ను రాబట్టాలి. కానీ రెండు రోజులు పూర్తయ్యేసరికి ఈ చిత్రం రూ.4.43 కోట్ల షేర్ మాత్రమే వసూలు చేసింది. మరో 12 కోట్లు వసూలు చేస్తే కానీ సినిమా హిట్ అనిపించుకోదు.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి