Dunki Movie Trailer |ఈ ఏడాది ‘పఠాన్’, ‘జవాన్’ సినిమాలతో తిరుగులేని విజయాన్నందుకున్న షారుఖ్ ప్రస్తుతం అదే జోష్తో చేస్తున్న చిత్రం ‘డంకీ’ (Dunki). త్రీ ఇడియట్స్ (3 Idiots), ‘పీకే'(PK), ‘సంజు (Sanju) లాంటి బ్లక్ బస్టర్ సినిమాలు తీసిన రాజ్ కుమార్ హిరాణీ (Raj Kumar Hirani) ఈ చిత్రానికి దర్శకత్వం వహిస్తున్నాడు. ఇందులో షారుఖ్ ఖాన్ సరసన తాప్సీ పన్ను (Tapsee Pannu) నటిస్తుంది. డిసెంబర్ 22న ప్రపంచవ్యాప్తంగా విడుదల కానుంది. ఇప్పటికే ఈ సినిమా నుంచి మేకర్స్ విడుదల చేసిన డంకీ డ్రాప్ 1, డ్రాప్ 2 లు ప్రేక్షకులను తెగ ఆకట్టుకున్నాయి. ఇక సినిమా విడుదల తేదీ దగ్గర పడుతుండటంతో మేకర్స్ ప్రమోషన్స్ వేగం పెంచారు. ఈ క్రమంలోనే సినిమా నుంచి ట్రైలర్ అప్డేట్ వచ్చింది.
ఈ సినిమా ట్రైలర్ను డిసెంబర్ 07న విడుదల చేయనున్నట్లు తెలుస్తుంది. అయితే దీనిపై ఇప్పటివరకు మేకర్స్ ఎటువంటి అధికారిక ప్రకటన చేయలేదు. మరోవైపు ప్రభాస్ నటిస్తున్న సలార్ సినిమా డిసెంబర్ 22న విడుదల కానుండగా ఈ మూవీకి సంబంధించిన ట్రైలర్ నేడు రాత్రి 7 గంటలకు విడుదల కానుంది.
ఇక డ్రామా, రొమాన్స్ జానర్లో తెరకెక్కుతున్న ఈ సినిమాను జియో స్టూడియోస్ (Jio Studios), రెడ్ చిల్లీస్ ఎంటర్టైన్మెంట్(Red Chillis Entertainment), రాజ్కుమార్ హిరానీ (Raj Kumar Hirani Films) ఫిల్మ్స్ బ్యానర్లో హిరానీ, గౌరీ ఖాన్ (Gauri Khan) సంయుక్తంగా నిర్మిస్తున్నారు. బోమన్ ఇరానీ (boman Irani), విక్కీ కౌశల్ (Vicky Kaushal) తదితరులు ప్రధాన పాత్రలు పోషిస్తున్నారు. డిసెంబర్ 22న ప్రపంచవ్యాప్తంగా విడుదల కానుంది.