పెళ్లికాని ప్రసాద్‌ వచ్చేస్తున్నాడు

సప్తగిరి హీరోగా, అభిలాష్‌రెడ్డి గోపిడి దర్శకత్వంలో ఓ వినోదాత్మక చిత్రం రూపొందుతున్నది. కె.వై.బాబు, భానుప్రకాష్‌ గౌడ్‌, సుక్కా వెంకటేశ్వర్‌గౌడ్‌, వైభవ్‌రెడ్డి ముత్యాల నిర్మాతలు.

సప్తగిరి హీరోగా, అభిలాష్‌రెడ్డి గోపిడి దర్శకత్వంలో ఓ వినోదాత్మక చిత్రం రూపొందుతున్నది. కె.వై.బాబు, భానుప్రకాష్‌ గౌడ్‌, సుక్కా వెంకటేశ్వర్‌గౌడ్‌, వైభవ్‌రెడ్డి ముత్యాల నిర్మాతలు. ప్రముఖ నిర్మాణ సంస్థ శ్రీవెంకటేశ్వర క్రియేషన్స్‌ ద్వారా అగ్ర నిర్మాత దిల్‌రాజు మార్చి 21న ఈ చిత్రాన్ని విడుదల చేస్తున్నారు. ప్రమోషన్‌లో భాగంగా టైటిల్‌, ఫస్ట్‌లుక్‌తో సహా ఈ సినిమాకు చెందిన కొన్ని ఆసక్తికరమైన అప్‌డేట్లను మేకర్స్‌ రివీల్‌ చేశారు. ఈ సినిమాకు ‘పెళ్లికాని ప్రసాద్‌’ అనే టైటిల్‌ ఖరారు చేశారు.

ఈ సందర్భంగా విడుదల చేసిన ఫస్ట్‌లుక్‌ పోస్టర్‌.. సప్తగిరి పాత్రలోని హ్యూమర్‌ నేచర్‌ని హైలైట్‌ చేస్తున్నది. హై ఎంటైర్టెన్మెంట్‌తో ఈ సినిమా ఉంటుందని పోస్టర్‌ చెబుతున్నది. ప్రియాంక శర్మ కథానాయికగా నటిస్తున్న ఈ చిత్రానికి కెమెరా: సుజాత సిద్దార్థ్‌, సంగీతం: శేఖర్‌చంద్ర, సమర్పణ: చాగంటి సినిమాటిక్‌ వరల్డ్‌, నిర్మాణం: థామ మీడియా ఎంటైర్టెన్మెంట్స్‌.