మంచి రోజులు వచ్చాయి ఫస్ట్ డే కలెక్షన్స్.. అంచనాలు అందుకోలే..

November 5, 2021 / 08:49 PM IST

manchi rojulochaie collections — manchi rojulochaie

manchi rojulochaie first day collections | సంతోశ్‌ శోభన్, మెహరీన్ కౌర్ ఫిర్జాదా జంటగా మారుతి దర్శకత్వంలో తెరకెక్కిన సినిమా మంచి రోజులు వచ్చాయి. కేవలం 20 రోజుల్లో కథ రాసి 30 రోజుల్లో షూటింగ్ పూర్తి చేసి ఈ సినిమాను విడుదల చేశాడు మారుతి. ఒకవైపు గోపీచంద్ హీరోగా పక్కా కమర్షియల్ సినిమా చేస్తూనే మధ్యలో గ్యాప్ తీసుకుని కరోనా సమయంలో మంచి రోజులు వచ్చాయి పూర్తి చేశాడు ఈ దర్శకుడు. సాధారణంగా మారుతి సినిమా అంటే మినిమం గ్యారంటీ అనే ముద్ర ఉంటుంది కానీ మంచి రోజులు వచ్చాయి సినిమా విషయంలో ఎందుకో అది జరగలేదు. ఈ సినిమాకు తొలి రోజు కలెక్షన్స్ ఊహించనంతగా రాలేదు. మారుతి బ్రాండ్ ఇమేజ్‌తో దాదాపు 9 కోట్ల వరకు ఈ సినిమా బిజినెస్ చేశారు కానీ తొలి రోజు చూస్తే కేవలం 90 లక్షల షేర్ మాత్రమే వచ్చింది. మంచి రోజులు వచ్చాయి సినిమా ఫస్ట్ డే ఏరియా వైజ్ కలెక్షన్స్ ఒకసారి చూద్దాం..

నైజాం: 0.35 కోట్లు
సీడెడ్: 0.15 కోట్లు
ఉత్తరాంధ్ర: 0.06 కోట్లు
గుంటూరు: 0.06 కోట్లు
ఈస్ట్: 0.06 కోట్లు
వెస్ట్: 0.04 కోట్లు
కృష్ణా: 0.05 కోట్లు
నెల్లూరు: 0.05 కోట్లు

ఏపీ + తెలంగాణ: 0.82 కోట్లు షేర్

రెస్ట్ ఆఫ్ ఇండియా + ఓవర్సీస్: 0.08 కోట్లు

వరల్డ్ వైడ్ ఫస్ట్ వీక్ కలెక్షన్స్: 0.90 కోట్లు షేర్

మంచి రోజులు వచ్చాయి సినిమాకు దాదాపు రూ.8.9 కోట్ల థియేట్రికల్ బిజినెస్ జరిగింది. ఈ సినిమా బ్రేక్ ఈవెన్ కావాలంటే రూ.9 కోట్లకు పైగా షేర్ వసూలు చేయాలి. తొలి రోజు కేవలం రూ.90 లక్షలు మాత్రమే వసూలు చేసింది ఈ సినిమా. అంటే ఇంకా రూ.8 కోట్లకు పైగా తీసుకొస్తే కానీ సేఫ్ జోన్‌లోకి రాదు. మరి రాబోయే రోజుల్లో మంచి రోజులు వచ్చాయి సినిమాకు మంచి రోజులు వస్తాయో లేదో చూడాలి.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి