ఏమిచ్చి మీ రుణం

తీర్చుకోగలను!‘రెండేళ్లుగా ఒక్క సినిమా చేయలేదు. ఈ మధ్యకాలంలో ఒక్క హిట్‌ లేదు. అయినా నాపై మీ ప్రేమ ఏ మాత్రం తగ్గలేదు. ఏమిచ్చి మీ రుణం తీర్చుకోగలను.

తీర్చుకోగలను!‘రెండేళ్లుగా ఒక్క సినిమా చేయలేదు. ఈ మధ్యకాలంలో ఒక్క హిట్‌ లేదు. అయినా నాపై మీ ప్రేమ ఏ మాత్రం తగ్గలేదు. ఏమిచ్చి మీ రుణం తీర్చుకోగలను. మీరు లేకుండా నేను లేను’ అంటూ బిహైండ్‌వుడ్స్‌ అవార్డుల వేడుకలో సమంత భావోద్వేగానికి గురయ్యారు. చెన్నైలో జరిగిన ఈ అవార్డుల వేడుకలో.. ప్రతిష్టాత్మకమైన కె.బాలచందర్‌ హాల్‌ ఆఫ్‌ ఫేమ్‌ అవార్డుతో సమంతను సత్కరించారు. దశాబ్దంన్నర నుంచి స్ఫూర్తిదాయకమైన పాత్రలలో ప్రేక్షకులను అలరిస్తున్నందుకు గాను సమంతకు ఈ గౌరవం దక్కింది. ఈ సందర్భంగా ఆమె ఇంకా మాట్లాడుతూ ‘ఈ అవార్డు నాకెంతో ప్రత్యేకం. ఎన్నో అద్భుతమైన పాత్రలను మనకు పరిచయం చేశారు కె.బాలచందర్‌ గారు. ముఖ్యంగా ఆయన సినిమాల్లో స్త్రీ పాత్రలు సహజంగా, బలమైన వ్యక్తిత్వంతో ఉంటాయి. నాకెంతో స్ఫూర్తినిచ్చిన పాత్రలు అవన్నీ. ఈ అవార్డు అందుకోవడంతో నా జీవితం పరిపూర్ణమైనట్టు భావిస్తున్నా.’ అంటూ ఆనందం వెలిబుచ్చారు సమంత.