Samantha | ఇటీవలే ఖుషి సినిమాతో సూపర్ హిట్ను ఖాతాలో వేసుకుంది సమంత (Samantha). శివనిర్వాణ దర్శకత్వంలో విజయ్ దేవరకొండ హీరోగా రొమాంటిక్ ఫ్యామిలీ ఎంటర్టైనర్ జోనర్లో తెరకెక్కిన ఈ మూవీ బాక్సాఫీస్ వద్ద నిర్మాతలకు కాసుల వర్షం కురిపించింది. ఇదిలా ఉంటే ఇప్పుడు సమంతకు సంబంధించిన ఇంట్రెస్టింగ్ వార్త ఒకటి నెట్టింట హల్ చల్ చేస్తోంది. తమిళ దర్శకుడు విష్ణువర్ధన్ (Vishnuvardhan) బాలీవుడ్ స్టార్ హీరో సల్మాన్ ఖాన్ (Salman Khan)తో సినిమా చేస్తున్నాడని తెలిసిందే.
ఈ మూవీని ధర్మ ప్రొడక్షన్స్ బ్యానర్పై కరణ్ జోహార్ తెరకెక్కించనున్నాడు. ఈ సినిమాలో హీరోయిన్ ఎవరనే దానిపై ముందుగా వచ్చిన వార్తలే నిజమయ్యాయి. మేకర్స్ ఈ చిత్రంలో ఫీ మేల్ లీడ్ రోల్ కోసం సమంతను ఫైనల్ చేశారని తాజా సమాచారం. నవంబర్ లేదా డిసెంబర్లో ఈ సినిమా సెట్స్పైకి వెళ్లనుంది. తొలిసారి సల్మాన్ఖాన్, సమంత కాంబోలో సినిమా వస్తుందని తెలియడంతో ఎక్జయిటింగ్కు లోనవుతున్నారు మూవీ లవర్స్.
సమంత ఇటీవలే బాలీవుడ్ యాక్టర్ వరుణ్ ధవన్తో కలిసి నటిస్తున్న సిటడెల్ వెబ్ సిరీస్ను పూర్తి చేసింది. ఈ ప్రాజెక్ట్ అమెజాన్ ప్రైమ్ వీడియోలో ప్రీమియర్ కానుంది. సల్మాన్ ఖాన్ ప్రస్తుతం టైగర్ ప్రాంఛైజీలో వస్తున్న టైగర్ 3 (Tiger 3)తో బిజీగా ఉన్నాడు. మనీశ్ శర్మ దర్శకత్వంలో వస్తోన్న ఈ చిత్రంలో బాలీవుడ్ బ్యూటీ కత్రినాకైఫ్ హీరోయిన్గా నటిస్తోంది. షారుఖ్ ఖాన్ కీలక పాత్రలో నటిస్తున్నాడు.
దేశభక్తి ప్రధాన ఇతివృత్తంతో రాబోతున్న ఈ సినిమాను తెలుగు, తమిళ భాషల్లో కూడా విడుదల చేసేందుకు యశ్ రాజ్ ఫిలిం ప్లాన్ చేస్తోంది. ఈ చిత్రాన్ని నవంబర్ 10న గ్రాండ్గా విడుదల కానుంది. ఈ మూవీలో ఇమ్రాన్ హష్మీ విలన్గా నటిస్తుండగా.. అశుతోష్ రాణా, అనుప్రియా గోయెంకా, రిద్ధి డోగ్రా, అంగద్ బేడి కీలక పాత్రలు పోషిస్తున్నారు.
Exclusive : #SalmanKhan And #Samantha will share screen space for the first time in a #Vishnuvardhan directorial. #KaranJohar @DharmaMovies #Tiger3 pic.twitter.com/EMgiPExSum
— Vishwajit Patil (@_VishwajitPatil) September 19, 2023