Samantha | ఫైట్స్‌ అంటే చాలా ఇష్టం.. యశోదను ఎందుకు చూడాలో చెప్పిన సమంత

చెన్నై భామ స‌మంత (Samantha) టైటిల్‌ రోల్‌లో నటిస్తున్న చిత్రం యశోద (Yashoda). నవంబర్‌ 11న విడుదల ప్రేక్షకుల ముందుకు రానున్న నేపథ్యంలో ప్రమోషన్స్ లో భాగంగా ఇంటర్వ్యూలు ఇస్తుంది సామ్‌. ఈ సినిమా ఎందుకు చూడాలో చెప్పుకొచ్చింది.

November 8, 2022 / 04:07 PM IST

Samantha | ఫైట్స్‌ అంటే చాలా ఇష్టం.. యశోదను ఎందుకు చూడాలో చెప్పిన సమంత

తెలుగు, తమిళంతోపాటు హిందీ ప్రేక్షకులను కూడా ఎంటర్‌టైన్‌ చేస్తూ.. వన్ ఆఫ్‌ ది బిజీయెస్ట్‌ హీరోయిన్‌గా మారిపోయింది స‌మంత (Samantha) . ఈ చెన్నై భామ టైటిల్‌ రోల్‌లో నటిస్తున్న చిత్రం యశోద (Yashoda). నవంబర్‌ 11న ప్రేక్షకుల ముందుకు రానుంది. ఈ చిత్రానికి హరి-హరీష్‌ దర్శకత్వం వహించారు. సినిమా విడుదల తేదీ దగ్గరపడుతున్న నేపథ్యంలో ప్రమోషన్స్ లో భాగంగా ఇంటర్వ్యూలు ఇస్తుంది సామ్‌. ఈ సినిమా ఎందుకు చూడాలో చెప్పుకొచ్చింది.

కథ విన్నపుడు చాలా షాకయ్యా. వాస్తవ సంఘటనల ఆధారంగా వచ్చే కథ విన్నాక గూస్‌ బంప్స్ వచ్చాయి. మామూలుగా నేను కథ ఒకే చేయడానికి టైం పడుతుంది. కానీ హరి-హరీష్‌ ఈ కథ చెప్పిన వెంటనే ఒకే చెప్పేశానంది స‌మంత. షూటింగ్‌ గురించి మాట్లాడుతూ..ప్రతీ రోజు ప్రతీ సీన్‌కు భయం ఉంటుంది. నా వల్ల అవుతుందా..? కాదా..? భయం ఉంటుందని చెప్పింది.

ఫైట్స్‌ అంటే ఎక్కువ ఇష్టం..
డ్యాన్స్‌, ఫైట్స్‌ లో మీరెక్కువ ప్రాధాన్యమిస్తారనే ప్రశ్నకు స్పందిస్తూ..ఫైట్స్‌ కే..నేను ఒక ఫైట్ చేయబోతున్నానంటే..కొంచెం ఎక్జయిటెడ్‌ అవుతాను. ఈ సినిమాలో టాలెంటెడ్‌ స్టంట్‌ కొరియోగ్రఫర్‌ యానిక్‌ బెన్‌తోపాటు వెంకట్‌తో కలిసి పనిచేశా. ఈ ఇద్దరి యాక్షన్‌ పార్ట్‌ రోప్స్ కానీ, డూప్‌ కానీ ఉండకుండా.. చాలా రియలిస్టిక్‌గా ఉంటుంది. యశోదలో చాలా చాలా బాగనిపించే కొన్ని యాక్షన్‌ సన్నివేశాలున్నాయి. యశోద చిత్రంలో తాను ఫైట్స్‌ ఇంత బాగా ఎంజాయ్ చేస్తానని ఎప్పుడూ అనుకోలేదన్నది సమంత.

సినిమా క్లైమాక్స్ లో వచ్చే యాక్షన్‌ సన్నివేశం చాలా అద్బుతంగా వచ్చిందని, మణిశర్మ బ్యాక్‌ గ్రౌండ్‌ స్కోర్‌తో సాగే ఈ యాక్షన్‌ పార్టును ఖచ్చితంగా థియేటర్‌లోనే చూడాలని సామ్‌ ప్రేక్షకులకు సూచించింది. ఈ సినిమాను నేన్‌ బిగ్‌ స్క్రీన్‌ మీద చూశా. యశోద ఖచ్చితంగా థియేటర్‌ ఎక్స్‌పీరియన్స్ అందించే సినిమా అని చెప్పింది సామ్‌

యశోద తాను ఉన్న ప్రపంచానికి తాను వెళ్లిన ప్రపంచానికి సినిమాలో చాలా తేడా ఉంటుంది. ట్రైలర్‌ గమనిస్తే.. బిగినింగ్‌లో యశోద మధ్యతరగతి ఫ్యామిలీ నుంచి ఆ తర్వాత కొత్త వరల్డ్‌లోకి రావడం చాలా కొత్తగా ఉంటుందని సమంత చెప్పుకొచ్చింది.

యశోద చిత్రానికి మణిశర్మ సంగీతంతోపాటు బ్యాక్‌ గ్రౌండ్‌ స్కోర్‌ అందిస్తున్నాడు. తెలుగు, తమిళ, కన్నడ, మలయాళ, హిందీ భాషల్లో ప్రతిష్టాత్మకంగా తెరకెక్కుతున్న ఈ చిత్రాన్ని శ్రీదేవి మూవీస్‌ బ్యానర్‌ పై సీనియర్‌ నిర్మాత శివలెంక కృష్ణప్రసాద్‌ నిర్మిస్తున్నారు. ఈ మూవీలో రావు రమేశ్‌, వరలక్ష్మి శరత్‌ కుమార్‌, ఉన్ని ముకుందన్‌, మురళీ శర్మ, సంపత్‌ రాజ్‌ కీలకపాత్రలు పోషిస్తున్నారు.

స‌మంత యశోద ట్రైలర్‌ ..