Rudrangi Movie Teaser | దాదాపు పుష్కర కాలం తర్వాత మళ్లీ తెలుగులోకి రీ ఎంట్రీ ఇస్తుంది మమతా మోహన్దాస్. నటిగా, గాయనిగా టాలీవుడ్లో మంచి క్రేజ్ తెచ్చుకున్న మమతా గతకొంత కాలంగా టాలీవుడ్లో సినిమాలు చేయట్లేదు. కాగా మళ్లీ ఇన్నేళ్లకు ‘రుద్రంగి’ అనే పీరియాడిక్ యాక్షన్ సినిమా చేస్తుంది. అజయ్ సామ్రాట్ దర్శకత్వం వహించిన ఈ సినిమా షూటింగ్ పూర్తి చేసుకుని రిలీజ్కు సిద్దంగా ఉంది. ఇప్పటికే రిలీజైన పోస్టర్లు, పాటలు సినిమాపై కాస్త మంచి బజ్నే క్రియేట్ చేశాయి. కాగా తాజాగా మేకర్స్ ఈ సినిమా టీజర్ను రిలీజ్ చేశారు.
లేటెస్ట్గా రిలీజైన టీజర్ సినిమాపై కాస్త ఆసక్తి పెంచుతుంది. జగపతి బాబు విలనిజం వేరే లెవల్లో ఉంది. ‘ఇండిపెండెంట్ బానిసలకు కాదు రాజులకు’, ‘గాడు బలవంతుడురా కానీ నేను భగవంతుడిని రా’ అంటూ జగ్గు బాయ్ చెప్పే డైలాగ్స్ అదిరిపోయాయి. రాణిగా తన ప్రజలకు ఓ వైపు సేవలు చేస్తూనే.. వాళ్లను అణగదొక్కేవాళ్లపై ఝాన్సీ లక్ష్మీభాయ్లా విరుచుకుపడుతుంది. టీజర్ మొత్తం ఆసక్తికరంగా సాగింది. ముఖ్యంగా నోఫెల్ రాజా బ్యాక్గ్రౌండ్ మ్యూజిక్ అదిరిపోయింది. రసమయి బాలకిషన్ నిర్మించిన ఈ సినిమా సమ్మర్ కానుకగా మే 26న ఈ సినిమా ప్రేక్షకులు ముందుకు రానుంది.