రామారావుగా మారిన ర‌వితేజ.. లుక్ వైరల్!

మాస్ మ‌హారాజా స్పీడ్ చూస్తుంటే కుర్ర హీరోలు సైతం షాక‌వ‌తున్నారు. ఈ ఏడాది క్రాక్ చిత్రంతో బ్లాక్ బ‌స్ట‌ర్ హిట్ కొట్టిన ర‌వితేజ ఆ త‌ర్వాత ఖిలాడీ అనే సినిమా చేశారు. ఈ సినిమా క‌రోనా వల‌న విడుద‌ల‌కి నోచుకోలేదు. ఇక తాజాగా RT68 పేరుతో కొత్త ప్రాజెక్ట్ మొద‌లు పెట్టాడు. ఈ ప్రాజెక్ట్ ఇప్పుడు ఫుల్ స్వింగ్‌లో ఉంది. సెకండ్ వేవ్ తరువాత ఈ మూవీ షూటింగ్ శ‌ర‌వేగంగా జ‌రుగుతుంది.

తాజాగా చిత్ర ఫ‌స్ట్ లుక్‌తో పాటు టైటిల్ రివీల్ చేశారు మేక‌ర్స్. ‘రామారావు’ అనే టైటిల్ తో పైగా ‘ఆన్ డ్యూటీ’ అనే క్యాప్షన్ తో ఈ సినిమా ఎలా ఉండబోతుందో ఈ పోస్టర్ లోనే క్లారిటీ ఇచ్చారు మేకర్స్.శరత్ అనే కొత్త దర్శకుడి దర్శకత్వంలో ఈ సినిమా రాబోతుంది. రవితేజ ఎమ్మార్వో ఆఫీసర్‌గా ఈ చిత్రంలో కనిపించబోతోన్నాడని తెలిసిందే. ప్రభుత్వ ఉద్యోగి రామారావుగా రవితేజ అదరగొట్టనున్నాడ‌ట‌. చెరుకూరి సుధాకర్ నిర్మిస్తోన్న ఈ మూవీకి శ్యామ్ సీఎస్ సంగీతాన్ని అందిస్తున్నారు. శ్రీ లక్ష్మీ వెంకటేశ్వర సినిమాస్ బ్యానర్ మీద ఈ చిత్రం రాబోతోంది. ఈ సినిమాలో దివ్యాంశ కౌశిక్ రవితేజకి జంటగా నటించబోతోంది.