Hari Hara Veera Mallu | హరిహరవీరమల్లుకు ఆర్‌ఆర్‌ఆర్‌ క్రేజ్‌ కలిసొచ్చేనా..?

క్రిష్‌ దర్శకత్వంలో వస్తున్న హరిహరవీరమల్లు (Hari Hara Veera Mallu) మూవీకి సంబంధించిన భారీ యాక్షన్‌ ఎపిసోడ్‌ షూటింగ్‌ యాక్షన్‌ కొరియోగ్రఫర్‌ విజయ్‌ మాస్టర్ నేతృత్వంలో రామోజీ ఫిలింసిటీలో ఇటీవలే పూర్తయింది.

పాన్ ఇండియా మూవీ లవర్స్ ఎక్జయిటింగ్‌గా ఎదురుచూస్తున్న చిత్రాల్లో ఒకటి హరిహరవీరమల్లు (Hari Hara Veera Mallu). పవన్ కల్యాణ్ టైటిల్‌ రోల్‌ పోషిస్తున్నాడు. క్రిష్‌ దర్శకత్వంలో వస్తున్న ఈ మూవీకి సంబంధించిన భారీ యాక్షన్‌ ఎపిసోడ్‌ షూటింగ్‌ యాక్షన్‌ కొరియోగ్రఫర్‌ విజయ్‌ మాస్టర్ నేతృత్వంలో రామోజీ ఫిలింసిటీలో ఇటీవలే పూర్తయింది. కాగా పీరియాడిక్‌ డ్రామా నేపథ్యంలో వస్తున్న ఈ చిత్రాన్ని పాన్‌ ఇండియా స్థాయిలో గ్రాండ్‌గా విడుదల చేసేందుకు ప్లాన్ రెడీ చేశారు మేకర్స్.

పవన్‌ కల్యాణ్ (Pawan Kalyan) తెలుగు రాష్ట్రాల్లో సూపర్ స్టార్ అయినప్పటికీ పాన్‌ ఇండియా ఇమేజ్‌ మాత్రం లేదు. కానీ డైరెక్టర్ క్రిష్ మాత్రం బాలీవుడ్‌ జనాలకు కొత్తేమీ కాదు. అందులోనా హరిహరవీరమల్లుకు లెజెండరీ మ్యూజిక్‌ డైరెక్టర్ ఎంఎం కీరవాణి (MM Keeravani) సంగీతం అందిస్తున్నారు. ఇటీవలే ఆర్‌ఆర్‌ఆర్‌ (RRR)లో ఈయన కంపోజ్ చేసిన నాటు నాటు ది అకాడమీ అవార్డుల్లో షార్ట్‌ లిస్ట్‌ కూడా అయింది.

జాతీయ స్థాయిని దాటి అంతర్జాతీయ స్థాయిలో మంచి క్రేజ్‌ సంపాదించుకున్నారు కీరవాణి. కీరవాణి చేస్తున్న సినిమా కావడంతో హరిహర వీర మల్లు మ్యూజిక్ రైట్స్‌తోపాటు డిజిటల్ స్ట్రీమింగ్ రైట్స్ కూడా సొంతం చేసుకునేందుకు చాలా పెద్ద కంపెనీలు పోటీపడుతున్నాయని బీటౌన్‌ సర్కిల్ సమాచారం. నిర్మాత ఏఎం రత్నం టీం ఇప్పటికే కోసం పాన్ ఇండియా రిలీజ్‌కు గ్రాండ్‌గా ప్లాన్ చేసినప్పటికీ.. ఆర్‌ఆర్‌ఆర్‌ మ్యూజిక్‌ డైరెక్టర్ కీరవాణి సంగీతం సినిమా మార్కెట్‌ పెంచేందుకు సహకరిస్తుందని ట్రేడ్‌ విశ్లేషకులు అభిప్రాయపడుతున్నారు.

అంతర్జాతీయ మీడియాలో టాక్‌ ఆఫ్ ది టౌన్‌గా నిలిచిన ఆర్‌ఆర్‌ఆర్‌ క్రేజ్‌.. హరిహరవీరమల్లుకు కూడా బాగా ఖచ్చితంగా కలిసొస్తుందంటున్నా సినీ విశ్లేషకులు. మరి ఆర్‌ఆర్‌ఆర్‌ క్రేజ్‌ను హరిహరవీరమల్లు ఎంతలా క్యాష్ చేసుకుంటాడనేది చూడాలంటున్నారు సినీ జనాలు.