Balakrishna | నరికినా కొద్ది నీకు ఆయసం వస్తుందేమో.. నాకు ఊపొస్తుంది అంటూ బాలయ్య చెప్పిన డైలాగ్ అయనకే పర్ఫెక్ట్గా సెట్ అయింది. ఏజ్ అయిన కొద్ది మరింత ఊపుతో బాలయ్య సినిమాలు చేస్తున్నాడు. పైగా తన ఏజ్ తగ్గ పాత్రలు ఎంచుకుంటూ బ్యాక్ టు బ్యాక్ బంపర్ హిట్లతో చెలరేగిపోతున్నాడు. ఒకప్పుడు యాభై కోట్ల మార్క్ టచ్ చేయడానికి నానా కష్టాలు పడే బాలయ్య ఇప్పుడు తొలిరోజే యాభై కోట్ల రేంజ్లో వసూళ్లు సాధిస్తూ ఔరా అనిపిస్తున్నాడు. ఇక ప్రస్తుతం బాలయ్య భగవంత్ కేసరి అనే యాక్షన్ ఫ్యామిలీ డ్రామా చేస్తున్నాడు. ఇప్పటికే రిలీజైన పోస్టర్లు, గ్లింప్స్ ప్రేక్షకులను విపరీతంగా ఆకట్టుకున్నాయి. ఇక ఈ సినిమా బిజిఎస్ ఓ రేంజ్లో జరుగుతుందని ఇన్సైడ్ టాక్.
ఒక్క ఆంధ్ర ఏరియాలోనే ఈ సినిమాకు రూ.35 కోట్ల బిజినెస్ జరిగిందట. అదికూడా సీడెడ్ మినహాయించి. ఇది బాలయ్య కెరీర్లోనే ఆల్టైమ్ రికార్డు. ఇక నైజాంలోనూ దిల్రాజు పెద్ద మొత్తంలో ఈ సినిమాను కొనబోతున్నట్లు తెలుస్తుంది. రెండు తెలుగు రాష్ట్రాల్లో ఈ సినిమాకు సుమారుగా రూ.60 కోట్ల రేంజ్లో బిజినెస్ జరుగుతుందని తెలుస్తుంది. ఇక రెస్ట్ ఆఫ్ ఇండియా, ఓవర్సీస్ కలుపుకుంటే మరో రూ. 20 కోట్లు ఈజీగా బిజినెస్ జరుగుతుందట. మొత్తంగా చూసుకుంటే బాలయ్య కెరీర్లోనే అత్యధికంగా రూ.80 కోట్ల రేంజ్లో బిజినెస్ జరుపుకుంటుందట. ఇక ఈ సినిమా బాక్సాఫీస్ దగ్గర సేఫ్ అవ్వాలంటే రూ.150 కోట్ల గ్రాస్ కలెక్షన్లు సాధించాల్సి ఉంటుంది.
పోటీగా లియో, టైగర్ నాగేశ్వరరావు వంటి సినిమాలున్నా ఈ రేంజ్లో బాలయ్య సినిమాకు బిజినెస్ జరుగుతుందంటే మాములు విషయం కాదు. అనీల్ రావిపూడి దర్శకత్వం వహించిన ఈ సినిమాలో బాలయ్యకు జోడీగా కాజల్ అగర్వాల్ నటిస్తుంది. శ్రీలీల కీలక పాత్ర చేస్తుంది. థమన్ సంగీతం అందిస్తున్న ఈ సినిమాను షైన్ స్క్రీన్ పతాకంపై సాహు గారపాటి నిర్మిస్తున్నాడు.