‘సాధారణంగా తొలి సినిమాకు ఎవరైనా ప్రేమకథనే ఎంచుకుంటారు. అలా కాకుండా నటనాపరంగా ఛాలెంజ్గా ఉండాలని హారర్ ఇతివృత్తంలో నటించాను’ అని చెప్పింది నట్టి కరుణ. ఆమె ప్రధాన పాత్రలో నటించిన చిత్రం‘డీఎస్జే’ (దెయ్యంతో సహజీవనం). నట్టి కుమార్ దర్శకుడు. ఈ నెల 28న ఐదు భాషల్లో విడుదలకానుంది. నట్టి కరుణ మాట్లాడుతూ ‘ఈ సినిమాలో నేను మధ్యతరగతి అమ్మాయి పాత్రలో కనిపిస్తా. హారర్తో పాటు ప్రేమ, యాక్షన్ హంగులన్నీ ఉంటాయి. హైదరాబాద్లో జరిగిన వాస్తవ ఘటనల స్ఫూర్తితో ఈ సినిమా తీశాం. పోరాటఘట్టాలు సవాలుగా అనిపించాయి. ఐదంతస్తుల మేడ మీది నుంచి దూకడం, కారు మీద రోప్ లేకుండా సాహసాలు చేయడం థ్రిల్లింగ్గా అనిపించింది. సినిమాలో అమ్మవారికి, దెయ్యానికి మధ్యన వచ్చే సన్నివేశాలు ఉత్కంఠను పంచుతాయి. నాన్నే దర్శకుడు కాబట్టి కెమెరా ముందు ఎలాంటి బెరుకు లేకుండా నటించగలిగా. నటిగా భవిష్యత్తులో సవాళ్లకు సిద్ధంగా ఉన్నా. విజయశాంతి తరహా శక్తివంతమైన పాత్రల ద్వారా పేరు తెచ్చుకోవాలనుంది’అని చెప్పింది.