Ramarao On Duty Movie | పోస్ట్ ప్రొడ‌క్ష‌న్ మేకింగ్‌లో బిజీగా ఉన్న ‘రామారావు’ యూనిట్‌.. వీడియో వైర‌ల్

Ramarao On Duty Pre Production video | కెరీర్‌లో ఎప్పుడూ లేనంత స్పీడ్‌గా ర‌వితేజ వరుస పెట్టి సినిమాల‌ను చేస్తున్నాడు. ఏడాదికి రెండు సినిమాల‌ను విడుద‌ల‌ చేసే విధంగా మాస్‌రాజ‌ ప్లాన్ చేస్తున్నాడు. ఇక ఈయ‌న సినిమాల నుంచి వ‌స్తున్న అప్‌డేట్స్ ఏ హీరో సినిమాల‌ నుంచి కూడా రావ‌డంలేదు. ప్ర‌తి వారం ఏదో ఒక అప్‌డేట్‌తో ర‌వితేజ‌.. అభిమానుల‌ను ఖుషి చేస్తున్నాడు. ఇప్పుడు ఈయ‌న చేతిలో నాలుగు సినిమాలున్నాయి. ఇటీవ‌లే ‘ఖిలాడీ’తో అభిమానుల‌ను తీవ్రంగా నిరాశ‌ప‌రిచిన మాస్‌రాజ ఈ సారి ‘రామారావు ఆన్ డ్యూటీ’తో ఎలాగైనా మంచి హిట్టు సాధించాల‌ని క‌సితో ఉన్నాడు. ఈ చిత్రంతో శ‌ర‌త్ మండ‌వ ద‌ర్శ‌కుడిగా ప‌రిచ‌య‌మ‌వుతున్నాడు. యాక్ష‌న్ ఎంట‌ర్టైన‌ర్‌గా తెర‌కెక్కిన ఈ చిత్రం జూలై 28న విడుద‌ల కానుంది. ఈ క్ర‌మంలో మేక‌ర్స్ వ‌రుస‌గా అప్‌డేట్‌ల‌ను ఇస్తున్నారు.

తాజాగా మేక‌ర్స్ ఓ వీడియోను విడుద‌ల చేశారు. రామారావు యూనిట్ పోస్ట్ ప్రొడ‌క్ష‌న్ కోసం ఎంత క‌ష్ట‌పడుతున్నారో ఈ వీడియోలో చూపించారు. ప్రస్తుతం ఈ వీడియో నెట్టంట తెగ వైర‌ల్ అవుతుంది. ర‌వితేజ ఈ చిత్రంలో డిప్యూటీ క‌లెక్ట‌ర్ పాత్ర‌లో క‌నిపించ‌నున్నాడు. ఇటీవ‌లే విడుద‌లైన ట్రైల‌ర్ సినిమాపై భారీ అంచ‌నాల‌ను నెల‌కొల్పింది. దివ్యాంక కౌశిక్, రాజిషా విజ‌య‌న్ హీరోయిన్లుగా న‌టించారు. చాలా కాలం త‌ర్వాత సీనియ‌ర్ న‌టుడు వేణు తోట్టెంపూడి ఈ చిత్రంతో సినిమాల్లోకి రీ ఎంట్రీ ఇవ్వ‌నున్నాడు. శ్రీ ల‌క్ష్మివెంక‌టేశ్వ‌రా సినిమాస్, ఆర్‌టి టీమ్ వ‌ర్క్స్ బ్యాన‌ర్ల‌పై సుధాక‌ర్ చెరుకూరితో కలిసి ర‌వితేజ స్వీయ నిర్మాణంలో ఈ చిత్రాన్ని తెర‌కెక్కించాడు.